მთავარი,სიახლეები

მარიუპოლში ოკუპანტების პოლიციის უფროსის ავტომანქანა ააფეთქეს

27.03.2023 •
მარიუპოლში ოკუპანტების პოლიციის უფროსის ავტომანქანა ააფეთქეს

რუსეთის მიერ ოკუპირებულ უკრაინის ქალაქ მარიუპოლში ოკუპანტი ხელისუფლების მიერ დანიშნული პოლიციის უფროსის ავტომანქანა ააფეთქეს. ამის შესახებ რუსული სამთავრობო საინფორმაციო სააგენტო „ტასი“ წერს.

სააგენტოს ცნობით, აფეთქება დღეს, 27 მარტს, დილას მოხდა. პოლიციის უფროსი ავტომანქანიდან რამდენიმე მეტრში იდგა, როცა ავტომანქანა აფეთქდა. ის გადარჩა, თუმცა ტვინის შერყევა მიიღო.

ქალაქ მარიუპოლის კანონიერმა მერმა, ვადიმ ბოიჩენკომ განაცხადა, რომ ავტომანქანა მარიუპოლის წინააღმდეგობის მოძრაობამ ააფეთქა.

უკრაინის ქალაქი მარიუპოლი 2022 წლის გაზაფხულიდან ოკუპირებულია რუსეთის მიერ. ქალაქი, ფაქტობრივად, ნანგრევებად იქცა. უცნობია, რამდენი ადამიანი დაიღუპა მარიუპოლში, რადგან ოკუპირებულ ქალაქში ინფორმაციის გადამოწმება ვერ ხერხდება.

_______________

ფოტო: „რია ნოვოსწი“

გადაბეჭდვის წესი


ასევე: