ქობულეთში, დაბა ოჩხამურში, დღეს, 10 მარტს, საცხოვრებელი სახლი დაიწვა. სახლში 8 ადამიანი ცხოვრობდა, მათ შორის, სამი მცირეწლოვანი ბავშვია.
„სახლი სულ დაიწვა, გარეთ ვართ, ვერაფრის გამოტანა ვერ მოვასწარით, ფულიც დამეწვა დაახლოებით 8 ათასი ლარი,“ – ამბობს კაკო შავაძე, ვისი სახლიც დაიწვა.
ოჯახის ახლობლების ინფორმაციით, ოჯახი ფულს საცხოვრებელი ბინის შესაძენად აგროვებდა.
ქობულეთის მერიის პრესცენტრის ინფორმაციით, ოჯახს დღეს მეზობლები შეიფარებენ, ხვალიდან კი, სპეციალური კომისია შეისწავლის ხანძრით მიყენებულ ზარალს. მანამდე ოჯახს ქობულეთის მერია საცხოვრებელს დაუქირავებს.
