უკრაინის დაზვერვის მთავარი სამმართველოს ინფორმაციით, რუსეთში თავს დაესხნენ კუპიანსკის კოლაბორანტ მერს, გენადი მაცეგორას.
უკრაინის თავდაცვის სამინისტროს მთავარი სადაზვერვო სამმართველოს ცნობით:
„2024 წლის 7 ივნისს, რუსეთში, ქალაქ სტარი ოსკოლში, განხორციელდა თავდასხმა უკრაინის მოღალატე გენადი მაცეგორაზე, რომელსაც ეჭირა კუპიანსკის მერის თანამდებობა ხარკოვის რეგიონში. უკრაინელი ხალხის მოღალატის მდგომარეობა კრიტიკულია“ – იუწყება უკრაინის დაზვერვა.
უკრაინის დაზვერვის მთავარი სამმართველოს ცნობით, მაცეგორა ნებაყოფლობით დათანხმდა სრულ თანამშრომლობას რუს დამპყრობლებთან. კერძოდ, 2022 წლის ივნისში მან ხელი მოაწერა ე.წ. ოქმს საოკუპაციო ხარკოვის ადმინისტრაციის შექმნის შესახებ და ამის შესახებ მან საჯაროდ განაცხადა. კუპიანსკის გათავისუფლების შემდეგ კი იგი რუსებთან ერთად გაიქცა ბელგოროდის რეგიონში.
_____________
ფოტო: უკრაინის დაზვერვა/ტელეგრამი
