Airbnb-ი საცხოვრებელი ფართობების გაქირავების სერვისია, რომელიც მსოფლიოს მასშტაბით მუშაობს. Airbnb -ზე რეგისტრირებული უკრაინელი მასპინძლების ბინები მთელი მსოფლიოდან იჯავშნება, დაბომბილი ქალაქების ცენტრში ბინის ქირას მსოფლიოს მოსახლეობა სოლიდარობის ნიშნად იხდის. ცხადია, ისინი ამ სახლებში კიდევ დიდ ხანს ვერ ჩამოვლენ სტუმრად.
Airbnb-მ გადაწყვიტა უკრაინაში არც სტუმარს და არც მასპინძელს არ ჩამოაჭრას დამატებითი გადასახადი კომპანიის სასარგებლოდ.
Airbnb-ის წარმომადგენლის ინფორმაციით, 2 და 3 მარტს უკრაინაში 61 000-ზე მეტი ღამე დაიჯავშნა მთელი მსოფლიოდან. კომპანიის ცნობით, ჯავშნების ღირებულება ამ ორ დღეში დაახლოებით 2 მილიონი დოლარია.
HOW TO HELP – just booked a Kiev AirBnb for 1 week, simply as a means of getting money directly into the hands of Kiev residents. It's really cheap and can make a small difference right now. Please share this idea #Ukraine #Russia #StopWarInUkraine #StopPutinNOW #UkraineRussiaWar pic.twitter.com/7yQDLYRkph
— Mario Di Maggio (@SeniorSciComm) March 3, 2022
მოწოდება სტუმრებისთვის, დაეჯავშნათ Airbnb-ზე ბინები უკრაინაში, ონლაინ დაიწყო, სადაც მხარდამჭერებმა მოუწოდეს ხალხს დაეჯავშნათ ოთახები, რაც შეიძლება ახლოს რეგისტრაციის თარიღთან, რათა მასპინძლებს სწრაფად მიეღოთ საფასური. Airbnb-ი ჩვეულებრივ გასცემს საფასურს სტუმრის დარეგისტრირებიდან დაახლოებით 24 საათის შემდეგ.
ომში მყოფი უკრაინის დახმარებისთვის ათეულობით მსხვილი საერთაშორისო ფონდი მუშაობს. ფულის, მედიკამენტებისა და სხვა საჭირო ნივთების შესაგროვებლად ცალკე მოხალისეობრივი ჯგუფებიც არიან მობილიზებული სხვადასხვა ქვეყანაში. ეს კიდევ ერთი მეთოდია უკრაინაში ომით დაზარალებული მოქალაქეების მყისიერი დახმარებისთვის.
Airbnb.org-ი დონორებთან ერთად აფინანსებს უკრაინიდან წამოსული 100 000-მდე ლტოლვილის მოკლევადიან საცხოვრებელს. სურვილის შემთხვევაში მოქალაქეებს საქართველოდანაც შეუძლიათ თავიანთი საცხოვრებლის შეთავაზება უკრაინელი ლტოლვილებისთვის, ამისთვის სპეციალური ფორმის “უმასპინძლე ლტოლვილს” შევსებაა საჭირო.
ამავე თემაზე: Booking-მა და Airbnb-მ რუსეთსა და ბელარუსში მუშაობა შეაჩერა