მთავარი,სიახლეები

ბათუმში ჩამონგრეული კორპუსის წინ ხეებს ჩეხავენ

14.02.2022 • 3377
ბათუმში ჩამონგრეული კორპუსის წინ ხეებს ჩეხავენ

ბათუმში, 26 მაისის ქუჩაზე, სადაც 2021 წლის 8 ოქტომბერს კორპუსის სადარბაზო ჩამოინგრა, რამდენიმე ნაძვი მოჭრეს, რამდენიმე კი გადაბელილია.

ნაძვები ჩამონგრეული კორპუსის წინ იდგა.

როგორც „ბათუმელებს“ მერიაში უთხრეს, ხეების გაჩეხვის მიზეზი დაგეგმილი სადემონტაჟო სამუშაოებია. ამ საკითხზე კომენტარი ბათუმის მერმა, არჩილ ჩიქოვანმაც გააკეთა. მისი თქმით, ხეების გაჩეხვა კორპუსის დემონტაჟის პროექტშია გათვალისწინებული.

მოჭრილი ხეები

„მე რამდენადაც მაქვს ინფორმაცია, ხეების გადაბელვაზე იყო საუბარი, თუმცა, თუ დემონტაჟი შეუძლებელი იქნება ხეების მოჭრის გარეშე, ხელი არ შეეშლებათ“ – ამბობს ჩიქოვანი.

ჩამონგრეული კორპუსის წინ ხეებს ჩეხავენ

26 მაისის ქუჩაზე საცხოვრებელი კორპუსი 2021 წლის 8 ოქტომბერს ჩამოინგრა. გამოძიების ვერსიით, სახლის ჩამონგრევა საყრდენი კედლის მოშლამ გამოიწვია. ჩამონგრევას 9 ადამიანის სიცოცხლე ემსხვერპლა.

ჩამონგრეული კორპუსისა და მიმდებარე სახლების დემონტაჟის შემდეგ ამ ადგილზე ახალი საცხოვრებელი კორპუსების მშენებლობაა დაგეგმილი.

ამავე თემაზე: 

რა უთხრა კაცმა მოსამართლეს, რომელსაც 12 წლის შვილი კორპუსის ჩამონგრევის გამო დაეღუპა

 

გადაბეჭდვის წესი


ასევე: