Batumelebi | სოფელ ლეღვაში სახლი ჩამოინგრა – დიდთოვლობა ქობულეთში სოფელ ლეღვაში სახლი ჩამოინგრა – დიდთოვლობა ქობულეთში – Batumelebi
ნეტგაზეთი • RU

სოფელ ლეღვაში სახლი ჩამოინგრა – დიდთოვლობა ქობულეთში

ქობულეთის მერიის ინფორმაციით, სოფელ ლეღვაში ერთ-ერთი მოსახლის საცხოვრებელი სახლი ჩამოინგრა. სახლში მცირეწლოვანი ბავშვიც იმყოფებოდა.

როგორც „ბათუმელებს“ მერიაში უთხრეს, სახლის ჩამონგრევის სავარაუდო მიზეზი თოვლია.

„ამ დროისთვის ოჯახი გაყვანილია უსაფრთხო ადგილზე. პირველი ეტაპისთვის მერია დაზარალებულ ოჯახს ბინის ქირას გადაუხდის, შემდეგ კი სახლის მდგომარეობას კომისია შეისწავლის“, – ამბობენ მერიაში.

სოფელს ამ დროისთვის არც ელექტროენერგია მიეწოდება. „ენერგო-პრო ჯორჯიას“ ინფორმაციით, ელექტროენერგია არ მიეწოდება ლეღვა-ქაქუთის და ციხისძირის ნაწილს.

„დილიდან კომპანიის ტექნიკური სამსახური მუშაობს ავარიულ შემთხვევებზე, რადგან თოვლმა დააზიანა ინფრასტრუქტურა“, – გვითხრეს კომპანიაში.

___

მთავარი ფოტო: ქობულეთის მერია, დიდთოვლობა ქობულეთში

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com