Batumelebi | ბათუმის მე-16 სკოლის მშენებლობაზე 14.9 მილიონი ლარი დაიხარჯება – პროექტირება დასრულდა ბათუმის მე-16 სკოლის მშენებლობაზე 14.9 მილიონი ლარი დაიხარჯება – პროექტირება დასრულდა – Batumelebi
ნეტგაზეთი • RU

ბათუმის მე-16 სკოლის მშენებლობაზე 14.9 მილიონი ლარი დაიხარჯება – პროექტირება დასრულდა

აჭარის განათლების სამინისტროს ინფორმაციით, დასრულდა ქალაქ ბათუმის N16 საჯარო სკოლის ტერიტორიაზე ახალი შენობის მშენებლობის პროექტირება. სამინისტროს ინფორმაციით, დაგეგმილია სამსართულიანი სკოლის აშენება.

სკოლა გათვლილი იქნება 1000 ბავშვზე [40 საკლასო ოთახი] ერთ ცვლაში.

სამინისტროს ინფორმაციით, ასევე გათვალისწინებულია ლაბორატორიები, ბიბლიოთეკა, კომპიუტერული ოთახი, სააქტო დარბაზი 300 მაყურებელზე, ღია და დახურული სპორტული მოედნები, ტრიბუნებით. შენობა იქნება ადაპტირებული, მოეწყობა ლიფტი.

სკოლის ტერიტორიაზე ჩატარდა გრუნტის გეოლოგიური კვლევა და, შესაბამისად, საძირკველი მოეწყობა რკინა-ბეტონის ხიმინჯებით 13 მეტრ სიღრმეზე.

პროექტის მიხედვით, მშენებლობის ღირებულება იქნება 14 942 791 ლარი.

__

ბათუმის მე-16 საჯარო სკოლა გასული წლის აპრილში იმდენად დაიბზარა, რომ შეფასდა, როგორც ბავშვებისთვის სახიფათო. მას შემდეგ ამ სკოლის მოსწავლეები საგაკვეთილო პროცესი მე-10 საჯარო სკოლაში ტარდება.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.