Batumelebi | „ბათუმი მედიკი” – ყველა სამედიცინო პროდუქტი ერთ სივრცეში „ბათუმი მედიკი” – ყველა სამედიცინო პროდუქტი ერთ სივრცეში – Batumelebi
RU | GE  

„ბათუმი მედიკი” – ყველა სამედიცინო პროდუქტი ერთ სივრცეში

19 ოქტომბერს ბათუმში „თბილისი მედიკის“ ახალი ფილიალი გაიხსნა. „ბათუმი მედიკის“გახსნის ცერემონიას აჭარის კლინიკების დირექტორები და მედიკოსები ესწრებოდნენ.

სპეციალური მაღაზიის შოურუმში წარმოდგენილია პაციენტის მოვლისთვის საჭირო ყველა სამედიცინო პროდუქტი როგორც კლინიკებისთვის, ასევე საცალო გაყიდვებისთვის.

საქართველოს მასშტაბით, „ბათუმი მედიკი“ სა­მე­დი­ცი­ნო აპა­რა­ტუ­რის, ლაბორატორიული, მაღალტექნოლოგიური სადიაგნოსტიკო და ქირურგიული პროდუქციის, სამედიცინო ავე­ჯი­სა და სა­ხარ­ჯი მა­სა­ლის ყველაზე დიდი იმ­პორ­ტი­ო­რია, რო­მე­ლიც ამ­ბუ­ლა­ტო­რი­ებ­სა და ჰოს­პიტ­ლებს ამა­რა­გებს.

„ბათუმი მედიკის” გახსნის ცერემონია

უფრო კონ­კრე­ტუ­ლად, კომ­პა­ნია არის მსოფ­ლი­ო­ში ცნო­ბი­ლი კომ­პა­ნი­ე­ბის სა­მე­დი­ცი­ნო პროდუქ­ცი­ის დის­ტრი­ბუ­ტო­რი. მათ შო­რი­საა: Johnson&Johnson medical-ი, Nidec-ი, Baucsh-ი, Gima, Mindrey, Sonoscape, Turmed-ი და სხვა.

„თბილისი მედიკის“ ბიზნესის განვითარების დირექტორი, ლევან ხომერიკი, კიდევ უფრო დაწვრილებით საუბრობს, თუ რა პროდუქციის იმპორტიორია კომპანია საქართველოში, რით არის მათი საქმიანობა გამორჩეული, რას სთავაზობენ მომხმარებელს და რა ფორმითაა შესაძლებელი ,,ბათუმი მედიკში“ პროდუქციის შეძენა.

  • ლევან, დეტალურად რომ გვითხრათ, რა პროდუქციის იმპორტს ახორციელებს კომპანია საქართველოში?

კომპანია „თბილისი მედიკი“ 11 წელია ოპერირებს ქართულ ბაზარზე და ჩვენი საქმიანობა მოიცავს სამედიცინო პროდუქციის: აპარატურის, ავეჯის, სახარჯი მასალის, ქირურგიული ინსტრუმენტებისა და პაციენტის მოვლის საშუალებების იმპორტს და რეალიზაციას ქართულ ბაზარზე.

„ყველა სამედიცინო პროდუქტი ერთ სივრცეში” – ეს ჩვენი კონცეფციაა. ვფიქრობთ, მომხმარებელს ერთ სივრცეში უნდა შეეძლოს სამედიცინო დაწესებულებისა და პაციენტებისთვის საჭირო ნებისმიერი პროდუქტის პოვნა.

გარდა სამედიცინო დაწესებულებებთან კორპორატიული თანამშრომლობისა, რომელთა რაოდენობაც დღეის მონაცემებით ხუთასს აჭარბებს, კომპანია ასევე ოპერირებს საცალო ვაჭრობის მიმართულებით და თბილისში წარმოდგენილია ორი მაღაზიით, ბათუმში კი ერთი მაღაზია გვაქვს.

  • სად მდებარეობს „ბათუმი მედიკი“ ქალაქში, რა მისამართზე?

„ბათუმი მედიკის“ მისამართია ბაგრატიონის ქუჩა №196 б კლინიკა „ბაუ“-ს მოპირდაპირე მხარეს.

  • კომპანიის მიზნებზეც რომ გვითხრათ, რამ გიბიძგათ გაგეხსნათ ამ ტიპის მაღაზიები?

ბათუმი და, ზოგადად, აჭარის რეგიონი, ქართული სამედიცინო ბაზრის საკმაოდ დიდ წილს მოიცავს, ამიტომაც გადავწყვიტეთ პირველი რეგიონული ფილიალის ბათუმში გახსნა.

ჩვენ მიგვაჩნია, რომ რეგიონების მიხედვით ბაზრის სპეციფიკა საკმაოდ განსხვავებულია. შესაბამისად, თითოეულ რეგიონს სჭირდება ინდივიდუალური მიდგომა და განვითარების ინდივიდუალური სტრატეგია.

ამიტომაც, გადავწყვიტეთ შეგვექმნა „თბილისი მედიკის“ შვილობილი ბრენდი „ბათუმი მედიკი“, რომელიც „თბილისი მედიკის“ მსგავს საქმიანობას ეწევა ბათუმის, ზოგადად აჭარის რეგიონის ბაზარზე.

ბუნებრივია, „თბილისი მედიკი“ უზიარებს და მომავალშიც გაუზიარებს თავის ცოდნას და გამოცდილებას „ბათუმი მედიკს“ და იქნება მისი მუდმივი მხარდამჭერი.

  • რას იტყვით კომპანიაში დასაქმებულ გუნდზე?

„ბათუმი მედიკის“ განვითარების სტრატეგიის და მიზნის შესაბამისად გუნდი სრულად დავაკომპლექტეთ ადგილობრივი კადრებით. „ბათუმი მედიკში“ ამ ეტაპზე 6 ადამიანია დასაქმებული, უახლოეს მომავალში ვფიქრობთ, რომ ეს რიცხვი 10-მდე გაიზრდება.

„ბათუმი მედიკის” გახსნის საზეიმო ცერემონია

  • რა ფორმითაა შესაძლებელი პროდუქციის შეძენა „ბათუმი მედიკში“?

პროდუქციის შეძენა შესაძლებელია როგორც ჩვენს მაღაზიაში, ასევე შეკვეთით და ადგილზე მიტანის სერვისით.

აქვე მინდა აღვნიშნო, რომ კომპანიას აქვს განახლებული ვებგვერდი, რომელზე მუშაობაც დასრულების ეტაპზეა. ამ პლატფორმაზე ინტეგრირებული იქნება ონლაინპროდუქციის დათვალიერების და შეძენის ფუნქცია. რაც საშუალებას მისცემს კომპანიის საცალო და საბითუმო მომხარებელს ჩვენი ვებგვერდის საშუალებით შეიძინოს ბათუმი მედიკის პროდუქცია და ადგილზე მიტანის სერვისითაც ისარგებლოს.

  • კომპანია მომხმარებლებს ასევე სთავაზობს საინჟინრო მომსახურებას, ვისთვის და რა ტიპის მომსახურებას გულისხმობს ეს უფრო კონკრეტულად?

ჩვენი კომპანია დაკომპლექტებულია მაღალკვალიფიციური სამედიცინო ინჟინრებით. მომსახურება მოიცავს ჩვენთან შეძენილი აპარატურის მონტაჟს და მათ შემდგომ მეთვალყურეობას როგორც საგარანტიო, ასევე პოსტსაგარანტიო პერიოდში.

კომპანიას აქვს აქსესუარების და სათადარიგო ნაწილების ვრცელი ბაზა, რაც აპარატურის ოპერატიულად განახლებას უზრუნველყოფს. ასევე შეგვიძლია მოვიძიოთ დეფიციტური ნაწილები და შეგვიძლია ამგვარი დეტალების იმპორტი შეკვეთით.

  • როგორია თქვენი უახლოესი სამომავლო გეგმები? უნდა ველოდოთ თუ არა ბათუმის შემდეგ სხვა ქალაქებშიც თქვენს ახალ ფილიალებს?

კომპანიის სამომავლო განვითარების გეგმები საკმაოდ ფართო და დივერსიფიცირებულია. დღესდღეობით აქტიურად ვმუშაობთ რეგიონულ განვითარებაზე. წლის ბოლომდე დაგეგმილია ფილიალის „ქუთაისი  მედიკის“ გახსნა ქუთაისში. ასევე, ბევრ სიახლეს და საინტერესო პროექტს ვპირდებით ჩვენს მომხმარებლებს უახლოეს მომავალში.

19 ოქტომბერს ბათუმში „თბილისი მედიკის“ ახალი ფილიალი გაიხსნა. „ბათუმი მედიკის“გახსნის ცერემონიას აჭარის კლინიკების დირექტორები და მედიკოსები ესწრებოდნენ.

ნეტგაზეთის მასალების სხვა გამოცემებში გადაბეჭდვის წესი
ავტორი