ნეტგაზეთი • RU

„ოცნებამ“ 5 მილიონი ლარი დახარჯა საარჩევნო რეკლამაში და 7500 ლარი – ხელფასებში

2021 წლის 2 ოქტომბრის არჩევნებისთვის პოლიტიკურმა პარტიებმა 2 აგვისტოდან 12 სექტემბრის ჩათვლით წინასაარჩევნო პერიოდში ჯამურად 11 მილიონ 084 561 ლარი დახარჯეს,  აქედან 6 მილიონ  774 269 ლარი წინასაარჩევნო რეკლამის ხარჯია, 293 357 შრომის ანაზღაურების სახით გაუციათ, ხოლო 4 მილიონ 016 935 სხვა ხარჯების სახით გადანაწილდა.

რეკლამაში ყველაზე მეტი – 5 299 065 ლარი  „ქართულმა ოცნებამ“ გადაიხადა, შემდეგ მოდის „ლელო საქართველოსთვის“. ამ პარტიამ რეკლამაში 539 321 ლარი დახარჯა.

336 566 ლარი დაუხარჯავს რეკლამისთვის ყოფილი პრემიერის, გიორგი გახარიას პარტიას „გახარია საქართველოსთვის“ .

დანახარჯის ოდენობის მიხედვით შემდეგი პარლამენტარ ალექსანდრე ელისაშვილის პარტია „მოქალაქეებია“, ამ პარტიის დანახარჯი 190 879 ლარია.

შემდეგ კი მოდის „გირჩი“ – 124 741 ლარი.

„ერთიან ნაციონალურ მოძრაობას“  რეკლამისთვის 65 950 ლარი დაუხარჯავს,  „ევროპულ საქართველოს“ – 72 497 ლარი, „მესამე ძალას“  – 37 626 ლარი და დავით თარხან-მოურავის „პატრიოტთა ალიანსს“ – 34 262 ლარი.

რეკლამის ხარჯი

შრომის ანაზღაურების სახით ყველაზე მეტი – 81 748 „ნაციონალურ მოძრაობას“ გადაუხდია. მმართველ პარტიას, „ქართულ ოცნებას“ კი შრომის ანაზღაურებისთვის მხოლოდ 7 500 ლარი აქვს დახარჯული.

„ნაციონალური მოძრაობის “ შემდეგ ყველაზე მეტი შრომის ანაზღაურებისთვის გადახდილი აქვს „პატრიოტთა ალიანსს“, შემდეგ კი „ლელოს“ – ამ პარტიას 23 783 ლარი გადაუხდია.

ნეტგაზეთის მასალების სხვა გამოცემებში გადაბეჭდვის წესი
ავტორი