Batumelebi | „მადლობა ღმერთს, უკვე 9 თვეა იქ აღარა ვარ“ – გახარია „ოცნებაზე“ „მადლობა ღმერთს, უკვე 9 თვეა იქ აღარა ვარ“ – გახარია „ოცნებაზე“ – Batumelebi
ნეტგაზეთი • RU

„მადლობა ღმერთს, უკვე 9 თვეა იქ აღარა ვარ“ – გახარია „ოცნებაზე“

„მადლობა ღმერთს, მე უკვე 9 თვეა იქ აღარა ვარ,“ – უთხრა ჟურნალისტებს დღეს, 29 სექტემბერს, პარტია „საქართველოსთვის“ ლიდერმა, გიორგი გახარიამ.

ჟურნალისტებმა მას ჰკითხეს,  მოიაზრებს თუ არა მის წინააღმდეგ კამპანიის დამკვეთად უშუალოდ ბიძინა ივანიშვილს.

„მადლობა ღმერთს, მე უკვე 9 თვეა იქ აღარა ვარ.

იქ როგორ ხდება გადაწყვეტილების მიღება, ვინ არის ამაში ჩართული, ვინ მოჰყავთ, ვინ მიჰყავთ – წარმოდგენა არა მაქვს და არ მაინტერესებს.

ჩვენ გვაქვს ჩვენი გეგმა, რომელსაც მივყვებით. ეს გეგმა არ შემოიფარგლება მუნიციპალური არჩევნებით, ბევრად უფრო გრძელვადიანია და ჩემთვის მთავარია ჩვენს მოქალაქეებს ვესაუბრო, რათა ის მხარდაჭერა მივიღო, რომელიც საკმარისია, რომ ქვეყანაში ცვლილებები დავიწყოთ და მე ამას გავაკეთებ. ადამიანები ყველაფერს ხედავენ,“ – თქვა გახარიამ.

გიორგი გახარია 2019 წლიდან 2021 წლის თებერვლამდე იყო საქართველოს პრემიერ-მინისტრი და „ოცნების“ ერთ-ერთი ლიდერი.

გახარიამ მთავრობის მეთაურის პოსტი 2021 წლის თებერვალში დატოვა „ქართული ოცნების“ და მთავრობის სხვა ლიდერებთან შეუთანხმებლობის ფონზე „ნაციონალური მოძრაობის“ ლიდერ ნიკა მელიას დაკავების საკითხთან დაკავშირებით.

29 მაისს კი გახარიამ ახალი პოლიტიკური გაერთიანება „საქართველოსთვის“ წარადგინა.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com