Batumelebi | სკოლებში მასწავლებელთა 65% აცრილია კოვიდზე – სამინისტრო სკოლებში მასწავლებელთა 65% აცრილია კოვიდზე – სამინისტრო – Batumelebi
RU | GE  

სკოლებში მასწავლებელთა 65% აცრილია კოვიდზე – სამინისტრო

საქართველოს განათლების სამინისტროს განცხადებით, ბოლო მონაცემებით, საჯარო და კერძო სკოლების მასწავლებელთა და სკოლის ადმინისტრაციის წარმომადგენელთა 65% ვაქცინირებულია კორონავირუსზე.

სამინისტროს ცნობით, „იუნისეფთან“ თანამშრომლობის შედეგად, ბოლო ორ თვეში აცრილი მასწავლებლების რაოდენობა 9%-დან 65%-მდე გაიზარდა და კოვიდზე აცრილი მასწავლებლების რაოდენობა ყოველდღიურად იზრდება

ამჟამად სწავლა სკოლებში დისტანციურად მიმდინარეობს 4 ოქტომბრამდე.

4 ოქტომბერს პირველკლასელები სწავლას სკოლის შენობებში დაიწყებენ იმ ქალაქებსა და სოფლებში, სადაც ინფიცირების მაჩვენებელი სწავლის დაწყების მომენტისთვის 4%-ზე დაბალი იქნება.

საქართველოს განათლების სამინისტროს ცნობით, 4 ოქტომბრის შემდგომ პერიოდში, იმ სოფლებსა და ქალაქებში, სადაც ინფიცირების მაჩვენებელი 4%-ზე ქვემოთ ჩამოვა, სკოლებში დისტანციური სწავლების რეჟიმი მოიხსნება და სწავლა გაგრძელდება სკოლის შენობებში.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com