18 სექტემბერს ბათუმში საავტორო კინოს საერთაშორისო ფესტივალი გაიხსნა, ფილმების ჩვენება კი დღეს, 19 სექტემბერს, დაიწყო კინოთეატრ „აპოლოში“.
გთავაზობთ აფიშას, რა ფილმების ნახვა შეგიძლიათ დღეს და ხვალ კინოთეატრ „აპოლოში“.
კორონავირუსის პანდემიის გამო ფესტივალი წელს განსხვავებული ფორმატით, რეკომენდაციების დაცვით ტარდება.
კერძოდ, კინოსეანსებზე დასწრება შესაძლებელი იქნება პირბადით, მათთვის, ვინც აცრილია კოვიდზე, ან უახლოეს პერიოდში აქვს გადატანილი კორონავირუსი, ან წარმოადგენს PCR ტესტის უარყოფით პასუხს.
კინოფესტივალის მენეჯმენტის განცხადებით, აღნიშნულიდან ერთ-ერთი დოკუმენტი უნდა წარმოადგინოთ კინოსეანსზე შესვლის წინ (ნაბეჭდი ან ელექტრონული ფორმით მობილურ ტელეფონში), წინააღმდეგ შემთხვევაში კინოსეანსზე დასწრებას ვერ შეძლებთ და არც შეძენილი ბილეთი დაბრუნდება უკან.
წელს ფესტივალის სეანსების გარკვეული ნაწილი იქნება ფასიანი.უფასო/თავისუფალი დასწრება შესაძლებელია ევროპის მოედანზე, ღია ჩვენებების დროს და, ასევე, კინოთეატრ „აპოლოში“ საფესტივალო დღეებში, პირველ ორ სეანსზე. „აპოლოში“ ნაშუადღევს ოთხ საათიდან გაიყიდება ბილეთები, რაც, ფესტივალის განცხადებით, „აპოლოს“ ონლაინსისტემის გამოყენების ღირებულებაა. ბილეთის ფასია 3 ლარი თითო კინოსეანსზე.
- 12.00 საათზე –„ 1970“ – ტომას ვოლსკი, პოლონეთი, 2021. 70 წთ. [დოკუმენტური, საკონკურსო პროგრამა]
- 13.30 საათზე – „რასტორგუევი“, ევგენია ოსტანინა, რუსეთი, 2020, 127 წთ.
- 16.00 საათზე – „აივნის ფილმი“, პაველ ლოზინსკი, პოლონეთი, 2021; 100 წთ. [დოკუმენტური, საკონკურსო პროგრამა]
- 18.00 საათზე – „უბოლსინი, ადილხან იერჟანოვი, ყაზახეთი/საფრანგეთი, 2020, 71 წთ. [მხატვრული, საკონკურსო პროგრამა]
- 20.00 საათზე – „მოთვინიერება“, სალომე ჯაში, შვეიცარია/გერმანია/საქართველო.2020. 91 წთ. [სექცია -„ქართული პანორამა“]
- 22.30 საათზე – „ბაბი იარი – კონტექსტი“, სერგეი ლოზნიცა, ნიდერლანდები/უკრაინა, 2021, 120 [სექცია -„დიდოსტატთა კოლექცია“]
- 12.00 საათზე – „ანამნეზი“, ქრის რაიტი & სტეფან კოლბე, გერმანია, 2021; 111 წთ.
- 14.00 საათზე – „საჩუქარი“, ვალენტინ სიდორენკო, რუსეთი, 2020, 51 წთ. [დოკუმენტური, საკონკურსო პროგრამა]
- 15.30 საათზე – „ბანდარ ბენდი“, მანიჯე ჰეკმატი, ირანი, 2021, 75 წთ. [მხატვრული, საკონკურსო პროგრამა]
- 17.30 საათზე –„შენ ვერ იხილავ ზამთარს“, აბდოლრეზა კაჰანი, კანადა, 2021; 72 წთ. [მხატვრული, საკონკურსო პროგრამა]
- 19.00 საათზე – „15 ბედნიერების ანგელოზი“, ვახტანგ კუნცევ გაბაშვილი, საქართველო, 2021, 70 წთ.
- 20.30 საათზე – „მკვდარი სულების არდადეგები“, კეკო ჭელიძე, საქართველო, 2020, 67წთ. [სექცია -„ქართული პანორამა“]
- 22.00 საათზე – „მარტორქა“, ოლეგ სენცოვი, უკრაინა/გერმანია/პოლონეთი, 2021, 101 წთ. [სექცია -„დიდოსტატთა კოლექცია“]
ბილეთის შეძენა შესაძლებელია შემდეგ ბმულზე.
ფოტოზე: კადრი სალომე ჯაშის ფილმიდან „მოთვინიერება“
ამავე თემაზე:
