Batumelebi | სად ჩაიკეტა გზა და როდის აღდგება მოძრაობა? სად ჩაიკეტა გზა და როდის აღდგება მოძრაობა? – Batumelebi
RU | GE  

სად ჩაიკეტა გზა და როდის აღდგება მოძრაობა?

„ქობულეთში 8 მიმართულებით და ხელვაჩაურში 4 მიმართულებით მიმდირეოაბს გზის გაწმენდითი სამუშაოები,“ – აცხადებენ აჭარის გზების დეპარტამენტში. ძლიერი წვიმის შედეგად აჭარის რეგიონში რამდენიმე სოფელში ჩამოწვა მეწყერი.

სტიქამ განსაკუთრებით ქობულეთი დააზარალა.

აჭარის გზების დეპარტამენტის ინფორმაციით, დღის განმავლობაში აღდგება მოძრაობა ყველა გზაზე, რომელიც მეწყრის გამო ჩაიკეტა.

„სამუშაოები ხორციელდება შემდეგ საავტომობილო გზებზე: კეჭიეთი–ნოღაიდლების, წყავროკა-რომანაძეების, წყავროკა-ლაზიშვილების, ზედა ლეღვა-ბარათაშვილების, ზედა კვირიკე-ბერიძეების, გვარა-ხუტულაიშვილებისდა დაგვა-ლაზისტანის მიმართულებებით.

ხელვაჩაურის მუნიციპალიტეტში 4 მიმართულებით იწმინდება საავტომობილო გზები. მახო-დავითაძეების-თხილნარი-ხინკილაძეების, კირნათი-ზედა კირნათის და მახო-გენჯახეების მიმართულებით,“ – მოგვწერეს აჭარის გზების დეპარტამენტიდან.

გზები გაიწმინდება ქედაში, შუახევსა და ხულოშიც, სადაც „მცირე მეწყრული პროცესები“ იყო მხოლოდ და გზა არ ჩაკეტილა.

გზის გაწმენდა სტიქიის შემდეგ. აჭარის გზის დეპარტამენტის ფოტოები

ნეტგაზეთის მასალების სხვა გამოცემებში გადაბეჭდვის წესი
ავტორი