Batumelebi | აჭარის ჯანდაცვის მინისტრი: დავამატეთ 45 საწოლი, მათ შორის 11 რეანიმაციულია აჭარის ჯანდაცვის მინისტრი: დავამატეთ 45 საწოლი, მათ შორის 11 რეანიმაციულია – Batumelebi
RU | GE  

აჭარის ჯანდაცვის მინისტრი: დავამატეთ 45 საწოლი, მათ შორის 11 რეანიმაციულია

აჭარაში მოქმედ კოვიდკლინიკებს ორი კლინიკა – „მედალფა“ და ქედის სამედიცინო ცენტრი, ჯამში 45 ადგილი დაემატება – ამის შესახებ აჭარის ჯანდაცვის მინისტრმა, ნინო ნიჟარაძემ განაცხადა დღეს, 11 აგვისტოს.

მისი თქმით, 45 დამატებითი ადგილიდან 11 რეანიმაციული საწოლია.

ნინო ნიჟარაძის ინფორმაციით, კოვიდის მართვაში დაგეგმილია კიდევ ერთი კლინიკის ჩართვა, რასთან დაკავშირებითაც მიმდინარეობს მოლაპარაკებები.

ნინო ნიჟარაძის თქმით, ამ ეტაპზე აჭარაში საველე ჰოსპიტალის გახსნის საჭიროება არ დგას.

საველე ჰოსპიტალების შესაძლო საჭიროებაზე დღეს საქართველოს ჯანდაცვის მინისტრის მოადგილემ თამარ გაბუნიამ ისაუბრა.

მინისტრის ინფორმაციით, ამ ეტაპზე რეგიონში ინფიცირებული პაციენტების 50 პროცენტს ონლაინრეჟიმში მართავენ. აჭარის ჯანდაცვის მინისტრი მოუწოდებს მოქალაქეებს უარი თქვან სოციალურ შეკრებებზე.

ნეტგაზეთის მასალების სხვა გამოცემებში გადაბეჭდვის წესი
ავტორი