Batumelebi | თუ ასე გაგრძელდა, საველე ჰოსპიტლები დაგვჭირდება – გაბუნია თუ ასე გაგრძელდა, საველე ჰოსპიტლები დაგვჭირდება – გაბუნია – Batumelebi
RU | GE  

თუ ასე გაგრძელდა, საველე ჰოსპიტლები დაგვჭირდება – გაბუნია

„თუ ასე გაგრძელდება 7, 8, 10 დღე, მოგვიწევს დამატებით გადაწყვეტილების მიღება, საველე ჰოსპიტლები დაგვჭირდება,“ – აღნიშნა დღეს, 11 აგვისტოს, ჟურნალისტებთან ჯანდაცვის მინისტრის მოადგილემ თამარ გაბუნიამ.

თამარ გაბუნია და ჯანდაცვის მინისტრი ეკატერინე ტიკარაძე ამბობენ, რომ კლინიკებში, სადაც კოვიდპაციენტებს მკურნალობენ, საწოლები უკვე დეფიციტია, თუმცა რომელიმე პაციენტის მიღებაზე ჯერ უარი არ უთქვამთ.

„ხერხდება ამის მართვა, ჯერჯერობით,“ – დასძინა თამარ გაბუნიამ.

ეკატერინე ტიკარაძემაც ხაზი გაუსვა იმას, რომ თუ ინფიცირების მაჩვენებლის კლება არ დაიწყო უახლოეს დღეებში, კლინიკებში მალე საწოლები აღარ იქნება.

„პრევენციის ღონისძიებების შესრულება შეამცირებს შემთხვევებს, ესაა პირბადის გამოყენება, სოციალური დისტანცია და მობილობის კონტროლი,“ – ამბობს თამარ გაბუნია, ჯანდაცვის მინისტრის მოადგილე.

11 აგვისტოს დილის მონაცემებით, ბოლო 24 საათში, ქვეყნის მასშტაბით, კორონავირუსით ინფიცირების 5 353 ახალი შემთხვევა დაფიქსირდა, ამავე პერიოდში გარდაიცვალა – 48 ადამიანი. აჭარის რეგიონში კი, იმავე პერიოდში, 905 ახალი შემთხვევა დადასტურდა.

ნეტგაზეთის მასალების სხვა გამოცემებში გადაბეჭდვის წესი
ავტორი