კულტურული მემკვიდრეობა,მთავარი,სიახლეები

ძეგლის რეაბილიტაცია ისევ იგეგმება – ბიუჯეტიდან 172 400 ლარია გამოყოფილი

01.08.2021 • 14704
ძეგლის რეაბილიტაცია ისევ იგეგმება – ბიუჯეტიდან 172 400 ლარია გამოყოფილი

ბათუმში, 26 მაისის N19-ში მდებარე სახლის, რომელიც კულტურული მემკვიდრეობის ძეგლია, რეაბილიტაციისთვის ქალაქის ბიუჯეტიდან 172 400 ლარია გამოყოფილი. ამ სახლის რეაბილიტაცია გასულ წელს იგეგმებოდა, თუმცა ტენდერში გამარჯვებულთან ხელშეკრულება პანდემიისა და საგანგებო მდგომარეობის გამოცხადების გამო შეწყდა.

საქალაქო ინფრასტრუქტურისა და კეთილმოწყობის სამმართველოს მიერ გამოცხადებულ ტენდერში წინადადებების მიღება 2021 წლის 14 აგვისტოს დაიწყება და 19 აგვისტოს დასრულდება.

სახლის სარეაბილიტაციო სამუშაოები კი ტენდერში გამარჯვებულთან ხელშეკრულების გაფორმებიდან 2021 წლის 11 დეკემბრამდე უნდა დასრულდეს.

სარეაბილიტაციო სახლი ბათუმში / 26 მაისის ქუჩა N19

2020 წლის ბიუჯეტში ამ სახლის რეაბილიტაციისთვის მიმდინარე წელთან შედარებით ოდნავ მეტი, 177 715 ლარი იყო გათვალისწინებული. ხელშეკრულება კი „იუკონი და კომპანიასთან“ 175 938 ლარზე 2020 წლის 2 აპრილს გაფორმდა. ხელშეკრულება იმავე წლის 13 აპრილს, პანდემიის გამო შეწყდა. მაშინ ტენდერში მხოლოდ ეს ერთი კომპანია მონაწილეობდა.

ამ თემაზე:

170 000 ლარი საუკუნის წინ აშენებული სახლისთვის ბათუმში

გადაბეჭდვის წესი


ასევე: