Batumelebi | „შუამთობა“ აღარ გაიმართება – რიჟვაძე „შუამთობა“ აღარ გაიმართება – რიჟვაძე – Batumelebi
RU | GE  

„შუამთობა“ აღარ გაიმართება – რიჟვაძე

აჭარის მთავრობის თავმჯდომარე თორნიკე რიჟვაძე ფეისბუქის გვერდზე წერს, რომ პირველ აგვისტოს დაგეგმილი შუამთობის ტრადიციული დღესასწაული აღარ გაიმართება.

„ეპიდემიოლოგიური ვითარების გათვალისწინებით ,,შუამთობის” ღონისძიება არ გაიმართება!“- წერს რიჟვაძე.

ხულოში, კურორტ ბეშუმში, ტრადიციული სახალხო ზეიმი – შუამთობა პირველ აგვისტოს 12:00 საათზე უნდა დაწყებულიყო. კორონავირუსის პანდემიის გამო, შუამთობა არც გასულ წელს ჩატარებულა.

29 ივლისს ხულოს მერიის განათლებისა და კულტურის განყოფილების უფროსმა გოგი ბოლქვაძემ „ბათუმელებთან“ საუბარში თქვა, რომ ღონისძიებები ღია ცის ქვეშ  იყო დაგეგმილი და გათვალისწინებული იქნებოდა ყველა რეკომენდაცია და რეგულაცია.

ღონისძიების ორგანიზებისთვის ხულოს მერიას 45 875 ლარი ჰქონდა ბიუჯეტში გათვალისწინებული.

შეგახსენებთ, რომ ქვეყანაში კორონავირუსის შემთხვევათა რაოდენობა გაზრდილია. დადებითობის მაჩვენებელი 7 პროცენტს აღემატება. დღეს, 31 ივლისს, აჭარაში კორონავირუსი 517 პირს დაუდასტურდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com