არ ვიცი, რატომ გადაწყვიტა დედამ პატარაობისას ძილის წინ ჩემთვის ეკატერინე გაბაშვილის თინას ლეკური წაეკითხა. ამით ბევრი რამ გამაგებინა, მაგრამ მხოლოდ წლების მერე გავაანალიზე. იმ ღამეს არ მეძინა, გულამოსკვნილი ვტიროდი. თვალწინ მედგა თინას ბოლო სცენა.
დამიჯერებთ, რომ დღემდე იმღამინდელი სურათი სრულიად ნათლად ცოცხლობს ჩემში. ამ ისტორიას იუმორისტულ ჟანრში მერე ჩემს მეგობრებს ვუყვებოდი ხოლმე და ბევრს ვიცინოდით, დასაძინებლად გამზადებული როგორ ამაფორიაქა და მერე ძლივს დამაწყნარა დედამ.
მერე ბევრი კარგი და დაუვიწყარი წიგნი წავიკითხე, ბევრი ვიმოგზაურე, ყველა წიგნი მოგზაურობაა. ძალიან ემოციური ბმა მაქვს საყვარელ წიგნებთან. ერთი რაც შემიძლია ვთქვა, მათ გარეშე ერთი დღეც ვერ წარმომიდგენია. ხშირად ვუბრუნდები ხოლმე წაკითხულ წიგნს, თავიდან ტრიალებს სხვადასხვა ემოცია.
როგორ გამახარა ჩემმა მეგობარმა სულხან სალაძემ, როცა საშუალება მომცა ამ არაჩვეულებრივ პროექტში ჩავრთულიყავი. ამას უდიდესი სიამოვნებით ვაკეთებ და მზად ვარ მაღალმთიან აჭარაში მცხოვრები ახალგაზრდები სწორედ წიგნებით მოვამარაგო. თავადაც ვეწვიო და სიყვარულით ველაპარაკო ჩემს საყვარელ წიგნებზე.
იმედია, ბევრი ადამიანი ჩაერთვება ამ პროექტში და პატარა მკითხველებს მაღალმთიან აჭარაში არასოდეს მოაკლდებათ საკითხავი.
დიდი მადლობა პროექტის ავტორებსა და მონაწილეებს.
დააკლიკე და შეავსე ცარიელი თაროები სოფლის ბიბლიოთეკებში
ან გადმორიცხეთ ჩვენს ანგარიშზე
სს “საქართველოს ბანკი”, ბანკის კოდი:BAGAGE22;
ანგარიშის ნომერი:
GE88BG0000000103117598
ა(ა)იპ თავისუფალ ჟურნალისტთა სახლი
