ბათუმის რესპუბლიკური საავადმყოფოს განცხადებით, დღეიდან, 2 ივლისიდან, კლინიკური საავადმყოფო სრული დატვირთვით აგრძელებს მუშაობას.
„სამედიცინო დაწესებულებაში დამატებითი სიმძლავრეების საჭიროებიდან გამომდინარე, რამდენიმე დღის განმავლობაში ინტენსიურად მიმდინარეობდა ტექნიკური სამუშაოები.
აღნიშნული პერიოდის განმავლობაში კლინიკამ კოვიდპაციენტების ნაკადების მართვა და გადანაწილება იმგვარად უზრუნველყო, რომ სამედიცინო სერვისის მიწოდების კუთხით შეფერხება არ დაფიქსირებულა.
ტექნიკური სამუშაოების მიმდინარეობისას ბათუმის რესპუბლიკურ საავადმყოფოში ვაქცინაციისა და PCR ტესტირების პროცესი არ შეჩერებულა. ასევე არ შეფერხებულა ჰემოდიალიზის პაციენტების მიღება“, – აცხადებს საავადმყოფო.
__________________________
ამავე თემაზე:
ბათუმის რესპუბლიკურ საავადმყოფოს მთავრობა ახალ შენობას გადასცემს – COVID 19-ის მართვა
