Batumelebi | ცვლილებები ბათუმის საკრებულოში – ლევან ანთაძე ნაზი ფუტკარაძემ ჩაანაცვლა ცვლილებები ბათუმის საკრებულოში – ლევან ანთაძე ნაზი ფუტკარაძემ ჩაანაცვლა – Batumelebi
RU | GE  

ცვლილებები ბათუმის საკრებულოში – ლევან ანთაძე ნაზი ფუტკარაძემ ჩაანაცვლა

ბათუმის საკრებულოს „ერთიანი ნაციონალური მოძრაობის“ ფრაქციაში ცვლილებაა.  ენმ-ის წევრმა ლევან ანთაძემ საკრებულო, შესაბამისად ოპოზიციის ფრაქცია დატოვა. ის აჭარის უმაღლეს საბჭოში შევიდა. ლევან ანთაძე საკრებულოში ნაზი ფუტკარაძემ ჩაანაცვლა.

ნაზი ფუტკარაძე 2010-2014 მოწვევის საკრებულოს წევრი და განათლების, კულტურის, ტურიზმისა და სპორტის საკითხთა კომისიის თავმჯდომარე იყო.

ნაზი ფუტკარაძე

დღეს გამართულ რიგგარეშე სხდომაზე საკრებულოს წევრებმა ჯანმრთელობისა და სოციალურ საკითხთა კომისიიის ახალ თავმჯდომარედ ელგუჯა ანდრიაძე აირჩიეს.

ელგუჯა ანდრიაძე 2017 წლიდან ბათუმის საკრებულოს წევრი და მეოთხე მოწვევის საკრებულოს მაჟორიტარი დეპუტატია ჯავახიშვილის ადმინისტრაციულ ერთეულში.

იგი საკრებულოში საქმიანობას ახორციელებს დამოუკიდებელი წევრის სტატუსით.

ელგუჯა ანდრიაძე

საკრებულოს ჯანმრთელობისა და სოციალურ საკითხთა კომისიის თავმჯდომარის პოსტი მას შემდეგ გახდა ვაკანტური, რაც დიმიტრი ჭეიშვილმა აღნიშნული თანამდებობა საკუთარი განცხადების საფუძველზე დატოვა.

დიმიტრი ჭეიშვილი ყოფილი პრემიერის, გიორგი გახარიას გუნდში გადავიდა.

ნეტგაზეთის მასალების სხვა გამოცემებში გადაბეჭდვის წესი
ავტორი