უსინათლოთა კავშირის აჭარის ფილიალის თავმჯდომარედ ნოდარ ნაკაშიძე აირჩიეს

დღეს უსინათლოთა კავშირის აჭარის ფილიალის თავმჯდომარედ ნოდარ ნაკაშიძე აირჩიეს.

აჭარის უსინათლოთა კავშირში 420 პირია გაწევრიანებული. კავშირის თავმჯდომარის არჩევნებში მონაწილეობა მხოლოდ 106-მა წევრმა მიიღო.

არჩევნები დღეს, 10 ივნისს, ჩატარდა. დელეგატები ციხისძირში, სასტუმრო “მეგობრობაში” იყვნენ შეკრებილები.

უსინათლოთა კავშირის აჭარის ფილიალის თავმჯდომარეობის სურვილი ხუთმა კანდიდატმა გამოთქვა: ბადრი კონცელიძემ, ზურაბ მსახურაძემ, ნოდარ ნაკაშიძემ, ნუგზარ კეკელიძემ და არჩილ ვაშაყმაძემ. თუმცა მოგვიანებით ნუგზარ კეკელიძემ თავისი კანდიდატურა მოხსნა და არჩევნებში მონაწილეობა მხოლოდ ოთხმა კანდიდატმა მიიღო.

არჩევნებში ხმები ასე გადანაწილდა:

ბადრი კონცელიძემ 11 ხმა მიიღო, ზურაბ მსახურაძემ – 18 ხმა, ნოდარ ნაკაშიძემ – 72 ხმა, არჩილ ვაშაყმაძემ – 3 ხმა.

უსინათლოთა კავშირის აჭარის ფილიალის თავმჯდომარის არჩევნები. 10 ივნისი, 2021 წ. ფოტო: „ბათუმელები“/მანანა ქველიაშვილი

დღესვე აირჩიეს უსინათლოთა კავშირის 35-ე ყრილობის დელეგატებიც. დელეგატობის სურვილი 16-მა კანდიდატმა გამოთქვა, მათგან კავშირის წევრებმა მხოლოდ 7 აირჩიეს.

წესდების მიხედვით, დელეგატები ხუთი წლის ვადით აირჩევიან.