მთავარი,სიახლეები

ხმაური და დაპირისპირება აჭარის უსინათლოთა კავშირის თავმჯდომარის არჩევნებზე

16.10.2019 • 2271
ხმაური და დაპირისპირება აჭარის უსინათლოთა კავშირის თავმჯდომარის არჩევნებზე

უსინათლოთა კავშირის აჭარის ფილიალში დღეს, 16 ოქტომბერს, კავშირის თავმჯდომარის რიგგარეშე არჩევნები ხმაურის და დაპირისპირების ფონზე მიმდინარეობს.

სიტყვიერი დაპირისპირება მოხდა საქართველოს უსინათლოთა კავშირის თავმჯდომარე რეზო მაისურაძესა და არასამთავრობო ორგანიზაციის “უსინათლოთა ხმის” წარმომადგენელს ალექს წეველიძეს შორის.

ალექს წეველიძე ასევე თავმჯდომარეობის ერთ-ერთი კანდიდატია. ის და საერთო კრების ზოგიერთი მონაწილე არჩევნების ორი თვით გადადებას ითხოვს, რადგან, მათი თქმით, ორი თვის მანძილზე კანდიდატებს ექნებათ შესაძლებლობა,  კავშირის წევრებს თავიანთი პროგრამა გააცნონ.

ამ მოთხოვნას არ ეთანხმებიან კრების სხვა მონაწილეები და შექმნილი ხმაურის გამო ერთ საათზე მეტია საარჩევნო პროცესი ვერ იწყება. ადგილზე გამოიძახეს საპატრულო პოლიცია.

აჭარის უსინათლოთა კავშირის არჩევნები. ფოტო: „ბათუმელები“/მანანა ქველიაშვილი

აჭარის უსინათლოთა კავშირის არჩევნები. ფოტო: „ბათუმელები“/მანანა ქველიაშვილი

უსინათლოთა კავშირის აჭარის ფილიალის თავმჯდომარეობის კანდიდატები არიან: გივი ნინიძე, ზურაბ მსახურაძე, ალექს წეველიძე, ბადრი კონცელიძე, ზაურ კახიძე, არჩილ ვაშაყმაძე და ოთარ ძირკვაძე.

არჩევნები უსინათლოთა კავშირის გამგეობის მიერ მას შემდეგ დაინიშნა, რაც ყოფილი თავმჯდომარე, ზაურ დევაძე გარდაიცვალა.

გადაბეჭდვის წესი


ასევე: