მთავარი,სიახლეები

უმუშევრობის დონე გაიზარდა, მათ შორის აჭარაშიც – საქსტატი

18.05.2021 • 1204
უმუშევრობის დონე გაიზარდა, მათ შორის აჭარაშიც – საქსტატი

საქართველოს სტატისტიკის ეროვნული სამსახურის ცნობით, 2020 წლის მონაცემებით, საქართველოში უმუშევრობის დონე საქალაქო დასახლებებში წინა წელთან შედარებით გაზრდილია
2.0 პროცენტული პუნქტით, ხოლო სასოფლო დასახლებებში შემცირებულია 0.9 პროცენტული პუნქტით.

საქსტატის ცნობით, 2019 წელთან შედარებით 2020 წელს უმუშევრობის დონე გაზრდილია თბილისის, ქვემო ქართლის და აჭარის რეგიონებში, შესაბამისად 3.8, 2.8 და 1.1 პროცენტული პუნქტით. აღნიშნული მაჩვენებელი უცვლელია სამეგრელო-ზემო სვანეთის რეგიონში, ხოლო დანარჩენ რეგიონებში უმუშევრობის დონის კლება ფიქსირდება.

უმუშევრობის დონე ტრადიციულად მაღალია კაცებში, ქალებთან შედარებით. 2020 წელს 2019 წელთან შედარებით, აღნიშნული მაჩვენებელი ქალებში გაზრდილია 0.2 პროცენტული პუნქტით, ხოლო კაცებში – 1.3 პროცენტული პუნქტით.

2020 წელს უმუშევრობის დონე ყველაზე მაღალია 15-19 წლის ასაკობრივ ჯგუფში (43.9 პროცენტი), ხოლო აღნიშნული მაჩვენებელი ტრადიციულად ყველაზე დაბალია 65+ ასაკობრივ
ჯგუფში (7.3 პროცენტი), რომლის მთავარი მიზეზი, საქსტატის ინფორმაციით, შესაბამის ასაკობრივ ჯგუფში სამუშაო ძალის მონაწილეობის დონის დაბალი მაჩვენებელია.

ამავე თემაზე: 

ბოლო ერთ წელში 3 160 ბიზნესი დაიხურა საქართველოში – პანდემიის შედეგი

 

გადაბეჭდვის წესი


ასევე: