Batumelebi | მაშველებმა ჩანჩქერიდან მოზარდი გამოიყვანეს მაშველებმა ჩანჩქერიდან მოზარდი გამოიყვანეს – Batumelebi
RU | GE  

მაშველებმა ჩანჩქერიდან მოზარდი გამოიყვანეს

საგანგებო სიტუაციების მართვის სამსახურის ცნობით, მაშველებმა გადაარჩინეს მოზარდი, რომელიც ჩანჩქერიდან გამოსვლას ვერ ახერხებდა.

შემთხვევა ზესტაფონის მუნიციპალიტეტის სოფელ ზოვრეთში მოხდა.

„112-ში შემოვიდა ინფორმაცია, რომ სამწვერას ჩანჩქერზე, წყალში იმყოფებოდა არასრულწლოვანი და სჭირდებოდა მაშველების დახმარება. მოზარდი ჩანჩერიდან გადახტა და დამრეცი ნაპირის გამო, უსაფრთხო ადგილზე გამოსვლა დამოუკიდებლად ვეღარ მოახერხა.

ადგილზე დასახმარებლად უმოკლეს დროში გამოცხადდნენ საგანგებო სიტუაციების მართვის სამსახურის თანამშრომლები. მეხანძრე-მაშველებმა მოზარდი წყლიდან თოკების საშუალებით ნაპირზე უვნებლად ამოიყვანეს. მის სიცოცხლეს და ჯანმრთელობას საფრთხე აღარ ემუქრება,“ – იუწყება საგანგებო სიტუაციების მართვის სამსახური.

_____________

ფოტო: საგანგებო სიტუაციების მართვის სამსახური

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com