დაავადებათა კონტროლისა და საზოგადოებრივი ჯანმრთელობის ეროვნული ცენტრი ორგანოგადანერგილი პირების საყურადღებოდ განცხადებას ავრცელებს, რომლის მიხედვითაც „ფაიზერის“ ვაქცინით აცრას საქართველოში მცხოვრები ორგანოგადანერგილი პირები სამი დღის განმავლობაში თბილისში შეძლებენ.
„ორგანოგადანერგილ პირებს ფაიზერის კოვიდსაწინააღმდეგო ვაქცინით აცრა შეუძლიათ ჩაიტარონ თბილისში, 2021 წლის 21-23 აპრილს აკადემიკოს ყიფშიძის სახელობის ცენტრალურ საუნივერსიტეტო კლინიკაში ადგილზე მისვლით (მისამართი: ვაჟა-ფშაველას გამზ.#29).
მათი რეგისტრაცია დაცული წესით განხორციელდება ადგილზე,“ – წერს დაავადებათა კონტროლის ეროვნული ცენტრი.
ჯანდაცვის სამინისტროს მიერ შექმნილ სპეციალურ პორტალზე ყველაზე მეტი სწორედ „ფაიზერის“ ვაქცინაა დაჯავშნილი.
