Batumelebi | ნამოხვანში ჟურნალისტებს არ უშვებენ ნამოხვანში ჟურნალისტებს არ უშვებენ – Batumelebi
RU | GE  

ნამოხვანში ჟურნალისტებს არ უშვებენ

შინაგან საქმეთა სამინისტროს წარმომადგენლები ჟურნალისტებს ნამოხვანში (იქ სადაც კარვებია გაშლილი და რომლის დაშლასაც პოლიცია აპირებს) წასვლის და მუშაობის უფლებას არ აძლევენ. პოლიციამ გუმათჰესთან მოწყობილ სასაზღვრო-გამშვებ პუნქტზე შეაჩერა ყველა გადამღები ჯგუფი და მათ გადაადგილების უფლებას არ აძლევს.

„ყოველგვარი დასაბუთების გარეშე არ გვიშვებენ. გვეუბნებიან, რომ ვერ მოგვცემენ გადაადგილების უფლებას. თუ რაიმე კითხვით მიმართავ და სიღრმეში შეხვალ, მერე უკვე გეუბნებიან, მიმართე პრესსამსახურსო. არცერთ მედიასაშუალებას არ უშვებენ – არც ტვ პირველს, არც ფორმულას, არც იმედს,“ – უთხრა „ბათუმელებს“ მთავარი არხის ჟურნალისტმა ირაკლი ვაჩიბერაძემ.

მისივე თქმით, უწყვეტი პროტესტის 168 დღის განმავლობაში ეს არის პირველი შემთხვევა, როდესაც ჟურნალისტებს მუშაობის უფლებას არ აძლევენ და გადაადგილებას უზღუდავენ.

„ბათუმელები“ დაუკავშირდა შს სამინისტროს პრესცენტრს იმის გასარკევად, რატომ არ აძლევენ ნამახვანში მუშაობის შესაძლებლობას. სამინისტროს განმარტებას მიღებისთანავე შემოგთავაზებთ.

ნეტგაზეთის მასალების სხვა გამოცემებში გადაბეჭდვის წესი
ავტორი