Batumelebi | რამდენი სკოლა და ბაღი დაიკეტა ბათუმსა და ქობულეთში – კორონავირუსის 1 კვირა რამდენი სკოლა და ბაღი დაიკეტა ბათუმსა და ქობულეთში – კორონავირუსის 1 კვირა – Batumelebi
RU | GE  

რამდენი სკოლა და ბაღი დაიკეტა ბათუმსა და ქობულეთში – კორონავირუსის 1 კვირა

აჭარის ჯანდაცვის სამინისტროს ინფორმაციით, ქობულეთში გასულ კვირას კორონავირუსის გავრცელების გამო დაიკეტა სოფელ ნაკაიძეების საჯარო სკოლა. ამ სკოლის მოსწავლეები სწავლას ონლაინში აგრძელებენ. ქობულეთის ორ სხვადასხვა სკოლაში ორი კლასი გადავიდა ონლაინ სწავლებაზე.

რაც შეეხება საბავშვო ბაღებს, ამ დროისთვის ქობულეთში დაკეტილია ორი საბავშვო ბაღი, ხოლო სხვადასხვა ბაღში მუშაობა შეაჩერა სამმა ჯგუფმა.

გასულ კვირას ბათუმში არც ერთი სკოლა არ დახურულა კორონავირუსის გავრცელების გამო. თუმცა სხვადასხვა სკოლაში 6 კლასი ონლაინში აგრძელებს სწავლას.

ბათუმის საბავშვო ბაღებიდან მუშაობა მხოლოდ ერთი ბაღის ერთმა ჯგუფმა შეწყვიტა.

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან