ბათუმის მეორე საჯარო სკოლაში კორონავირუსი კიდევ ორ მოსწავლეს დაუდასტურდა. მეექვსეკლასელი მოსწავლეები ერთი ოჯახის წევრები არიან.
სკოლის დირექტორის ინფორმაციით, მოსწავლეები სამშაბათს იმყოფებოდნენ სკოლაში, ამიტომ კლასი დღეს, 26 მარტს გადავა ონლაინსწავლებაზე.
აღნიშნულ სკოლაში ონლაინსწავლებაზე უკვე გადასულია მეთერთმეტე და მეოთხე კლასი, სადაც კორონავირუსი მოსწავლეებს 19 მარტს დაუდასტურდათ.
სკოლის დირექტორის თქმით, ოთხშაბათს მასწავლებლებს ჩაუტარდათ გეგმიური ტესტირება, თუმცა ყველა პასუხი უარყოფითია.
