Batumelebi | „ფაიზერით“ ვაქცინაცია 30 მარტიდან დაიწყება – თამარ გაბუნია „ფაიზერით“ ვაქცინაცია 30 მარტიდან დაიწყება – თამარ გაბუნია – Batumelebi
RU | GE  

„ფაიზერით“ ვაქცინაცია 30 მარტიდან დაიწყება – თამარ გაბუნია

„ფაიზერის“ ვაქცინით აცრა სამშაბათიდან იქნება შესაძლებელი“, – აღნიშნა დღეს, 25 მარტს გამართულ ბრიფინგზე საქართველოს ჯანდაცვის მინისტრის მოადგილე თამარ გაბუნიამ. დღეს უკვე დაიწყო 65 წელს ზემოთ ასაკის მქონე მოქალაქეების რეგისტრაცია, ვინც ვაქცინას გაიკეთებს.

მინისტრის მოადგილის თქმით, „ფაიზერის“ ვაქცინით აცრა საქართველოში 6 კლინიკაში იქნება შესაძლებელი: ბოკერიას სახელობის საავადმყოფო, კავკასიის მედიცინის ცენტრი, თბილისის რესპუბლიკური საავადმყოფო და ამტელ კლინიკა, ბთუმის რესპუბლიკური კლინიკა და ქუთაისის ინტერვენციული მედიცინის ცენტრი.

ამ  დრომდე „ასტრაზენეკათი“ აცრა 20 სამედიცინო დაწესებულებაში ტარდება. თამარ გაბუნიამ ყურადღება გაამახვილა იმაზე, რომ „ფაიზერის“ ვაქცინას ულტრა ცივი ჯაჭვის რეჟიმი სჭირდება და შესაბამისი მოსამზადებელი სამუშაოებია ჩასატარებელი.

„მოქალაქეს შეუძლია გააკეთოს არჩევანი „ფაიზერსა“ და „ასტრაზენეკას“ შორის,“ – დასძინა ჯანდაცვის მინისტრის მოადგილე, თამარ გაბუნიამ.

 

 

ნეტგაზეთის მასალების სხვა გამოცემებში გადაბეჭდვის წესი
ავტორი