მთავრობის 23 მარტის დადგენილებით, 2021 წლის პირველი აპრილიდან დაშვებულია საუნებისა და სხვა სპაპროცედურების საქმიანობა.
სპორტული/სავარჯიშო დარბაზები, ასევე საცურაო აუზები 2021 წლის 15 მარტიდან გაიხსნა, თუმცა საუნების მუშაობა და სხვა სპაპროცედურები აკრძალული დარჩა.
იზოლაციისა და კარანტინის წესების დღეს მოქმედი რედაქციით, 1-ლი აპრილიდან ასევე დასაშვებია:
[checklist]
- ნებისმიერი ტიპის სპორტულ, სახელოვნებო და კულტურულ ღონისძიებაზე მაყურებლის დასწრება
- გასართობი დაწესებულებების საქმიანობა და გასართობი ღონისძიებების ორგანიზება/ჩატარება
- ქვეყნის მთელ ტერიტორიაზე აზარტული და მომგებიანი თამაშობების მომსახურების მიწოდება
[/checklist]
24 მარტიდან უკვე დასაშვებია ტაქსით 3 მგზავრის გადაყვანაც.
პარალელურად, ჯანდაცვის მინისტრი, ეკატერინე ტიკარაძე აცხადებს, რომ შესაბამისი უწყებები შეზღუდვების გამკაცრებაზეც მსჯელობენ, რადგან რამდენიმე რეგიონში, მათ შორის, იმერეთში, გურიასა და თბილისში ეპიდემიოლოგიური ვითარება მძიმდება.
ამ თემაზე:
https://netgazeti.ge/news/529147/
