ბათუმის მე-14 საჯარო სკოლაში დაწყებითი საფეხურის მასწავლებელს კორონავირუსი დაუდასტურდა. როგორც სკოლის დირექტორმა, ნატო გოგუაძემ „ბათუმელებს“ უთხრა, მასწავლებელი კოვიდის უსაფრთხოების წესებს იცავდა, „ამიტომ ეპიდემიოლოგიურმა ჯგუფმა არ მიიჩნია საჭიროდ კლასის დისტანციურ სწავლებაზე გადასვლა“.
როგორც დირექტორი ამბობს, მასწავლებელი ორშაბათს სკოლაში იმყოფებოდა, საღამოს კი ტემპერატურამ აუწია. „მეორე დღეს ჩაიტარა სწრაფი ტესტი და დაუდასტურდა კოვიდი“.
აღნიშნულ სკოლაში მასწავლებლების გეგმიური ტესტირება ხვალ, 25 მარტს, ჩატარდება.
___
ამავე თემაზე:
ბათუმის მე-20 საჯარო სკოლასა და მე-17 საბავშვო ბაღში კოვიდი გამოვლინდა
