„პირველ აპრილს დაველოდებით“ – რა უთხრა მთავრობამ სარიტუალო დარბაზებში დასაქმებულებს

„პირველ აპრილს დაველოდებით, თუ ისევ არ გახსნიან სარიტუალო დარბაზებს, სავარაუდოდ, 5 აპრილს ორგანიზებულ საპროტესტო აქციას გავმართავთ, ყველა გამოვალთ“, – უთხრა „ბათუმელებს“ გოგონა ხალვაშმა, იგი დღეს, 16 მარტს, აჭარის მთავრობის სახლთან გამართული საპროტესტო აქციის მონაწილეა.

საპროტესტო აქციაზე სარიტუალო დარბაზებში დასაქმებული ადამიანები შეიკრიბნენ, ისინი მუშაობის უფლებას ითხოვენ.

საპროტესტო აქციის რამდენიმე მონაწილეს აჭარის მთავრობის აპარატის თანამშრომლები შეხვდნენ.

„კონკრეტულად ვერაფერი გვითხრეს, დაგვპირდნენ, რომ შეიტანენ ამ საკითხს განსახილველად და პირველ აპრილს გვეცოდინება პასუხი,“ – ამბობს გოგონა ხალვაში.

საპროტესტო აქცია აჭარის მთავრობის სახლთან დასრულდა.

„მოგვეცით მუშაობის საშუალება“ – ბათუმში სარიტუალო დარბაზებში დასაქმებულები აქციას მართავენ