აშშ-ში, ვაშინგტონის აეროპორტში, დააკავეს მექსიკელი ნარკობარონის, ელ ჩაპოს ცოლი, კორონელ აისპურო.
31 წლის აისპუროს ბრალად ედება ნარკოტიკებით: კოკაინით, ჰეროინითა და მეტამფიტამინებით ვაჭრობა და დანაშაულებრივი ჯგუფის შექმნა. ასევე, მას ბრალად ედება ქმრის მექსიკის ციხიდან გაქცევის ორგანიზება 2015 წელს.
აისპუროს ქმარი, 63 წლის ხოაკინ გუსმანი, იგივე ელ ჩაპო, 2019 წლიდან იხდის სამუდამო სასჯელს ნარკოტიკებით ვაჭრობისთვის აშშ-ში. იგი ხელმძღვანელობდა ნარკოკარტელს და მიიჩნეოდა თანამედროვე მსოფლიოს ერთ-ერთ ყველაზე ცნობილ დამნაშავედ.
აშშ-ის ხელისუფლება მიიჩნევს, რომ ელ ჩაპოს ნარკოკარტელი პასუხისმგებელია ქვეყანაში 25 წლის განმავლობაში ასობით ტონა კოკაინის კონტრაბანდაზე. 2009 წელს ელ ჩაპო „ფორბსის“ მილიარდერების სიაში მოხვდა.
______________
ფოტო: cnn
