Batumelebi | „ოცნება მოქმედებს რუსეთის დაკვეთით“ – საპროტესტო აქცია ბათუმში| LIVE „ოცნება მოქმედებს რუსეთის დაკვეთით“ – საპროტესტო აქცია ბათუმში| LIVE – Batumelebi
RU | GE  

„ოცნება მოქმედებს რუსეთის დაკვეთით“ – საპროტესტო აქცია ბათუმში| LIVE

ბათუმში, აჭარის მთავრობის სახლთან, საპროტესტო აქცია მიმდინარეობს, სადაც ოპოზიცია ნიკა მელიას დაკავებას აპროტესტებს.

აქციის მონაწილეები აცხადებენ, რომ საპროტესტო აქცია გაგრძელდება მანამ, სანამ არ იქნება მიღებული ვადამდელი არჩევნების ჩატარების გადაწყვეტილება.

დღეს, 23 თებერვალს, „ნაციონალური მოძრაობის“ ოფისში ნიკა მელია დააკავეს.

მელიას დასაკავებლად სპეცოპერაცია ჩატარდა, ენმ-ს ოფისის შტურმისას სავარაუდოდ წიწაკის სპრეი გამოიყენეს.

ენმ-ს ოფისთან დილიდან პოლიციელები და მაშველები იყვნენ მობილიზებული. ადგილზე ასევე მიიტანეს სპეციალური სახანძრო კიბე, რომლითაც პოლიციელები შენობის სახურავზე ავიდნენ და ოფისში ამ გზით შეაღწიეს.

დღეს, 23 თებერვალს, ამ წუთებში [15:30 სთ] თბილისში, კანცელარიასთან, „ერთიანი ნაციონალური მოძრაობის“ თავმჯდომარის, ნიკა მელიას მხარდასაჭერად აქცია იმართება.

აქციას უერთდებიან სხვადასხვა ოპოზიციური პარტიის წარმომადგენლები და მათი მხარდამჭერები.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com