მთავარი,სიახლეები

16 წლის ბიჭი, რომელიც ავტომანქანის გაქურდვის მცდელობაშია ბრალდებული, გირაოთი გაათავისუფლეს

01.02.2021 • 1368
16 წლის ბიჭი, რომელიც ავტომანქანის გაქურდვის მცდელობაშია ბრალდებული, გირაოთი გაათავისუფლეს

ავტომანქანის გაქურდვის მცდელობაში ბრალდებულ 16 წლის მოზარდს მოსამართლე ვიოლეტა ფორჩხიძემ 500 ლარის გადახდა დააკისრა. აღკვეთი ღონისძიების შეფარდების პროცესი დღეს, პირველ თებერვალს, გაიმართა ბათუმის საქალაქო სასამართლოში.

საქმის მასალების მიხედვით, 16 წლის მოზარდი 12 და 13 წლის არასრულწლოვნებთან ერთად ავტომანქანის გაქურდვას ცდილობდა. შემთხვევა 29 იანვარს მოხდა. არასრულწლოვანს გამოძიება ქურდობის მცდელობას ედავება. ის შემთხვევის ადგილას დააკავეს.

„აშკარაა რესურსების პრობლემა როგორც სოციალური მუშაკის, ასევე ფსიქოლოგების კუთხით, ვინც არასრულწლოვნებთან მუშაობს…“ – მიიჩნევს ადვოკატი გვანცა თურმანიძე. ის იურიდიული დახმარების სამსახურის იურისტია და სასამართლოში მოზარდის ინტერესებს იცავს.

მოზარდს 9 კლასის დასრულების შემდეგ სკოლაში აღარ უვლია. ოჯახი ბათუმში ცხოვრობს და სოციალურად დაუცველი არ არის.

„ბათუმელები“ ხშირად წერს რთული ქცევის მქონე ბავშვების პრობლემებზე და იმაზე, რომ ამ კუთხით სპეციალური სერვისი უნდა შექმნას ადგილობრივმა მმართველობამ. ამ დრომდე სახელმწიფო რთული ქცევის მქონე მოზარდებს პრაქტიკულად ვერაფერს სთავაზობს.

ამ თემაზე:

რა უნდა „დაახვედროს“ მერიამ დანაშაულისკენ მიდრეკილ თინეიჯერებს – ინტერვიუ

გადაბეჭდვის წესი


ასევე: