”მსოფლიო Covid 19-ის ვაქცინების განაწილების პროცესში” კატასტროფული მორალური მარცხის ზღვარზეა ”, – განაცხადა ჯანმოს გენერალურმა დირექტორმა ტედროს ღებრეისუსმა და დასძინა, რომ ”სამართლიანი ხელმისაწვდომობის დაპირება სერიოზული რისკის ქვეშ არის”.
“ამ დროისთვის ვაქცინის 39 მილიონი დოზა შევიდა სულ ცოტა 49 მაღალი შემოსავლების მქონე ქვეყანაში. მხოლოდ 25 დოზა ერგო ერთ ყველაზე დაბალი შემოსავლის ქვეყანას. არა 25 მილიონი, არა 25 ათასი; მხოლოდ 25,” – თქვა ტედროსმა ჯანმოს აღმასრულებელი საბჭოს შეხვედრაზე.
გარდიანი წერს რომ გვინეა ერთადერთი დაბალი შემოსავლების მქონე ქვეყანაა, რომელმაც აქამდე ვაქცინის დოზების მცირე რაოდენობა მაინც მიიღო, “გასულ კვირას რუსული ვაქცინა სპუტნიკის დოზა მიიღო მხოლოდ 25-მა ადამიანმა, თავიანთი პრეზიდენტის ჩათვლით” – წერს გარდიანი.
აღმასრულებელი საბჭოს ტედროსმა ასევე აღნიშნა, რომ არასწორია ვხედავდეთ დაბალი რისკის მქონე ადამიანებს მდიდარი ქვეყნებიდან, რომლებიც იცრებიან მაშინ, როცა მსოფლიოს უმეტესი ნაწილს კვლავაც არ აქვს წვდომა აცრაზე, “არასწორია, რომ ახალგაზრდა, უფრო ჯანმრთელი ზრდასრული ადამიანები მდიდარ ქვეყნებში, იცრებიან ღარიბ ქვეყნებში მცხოვრებ მედ მუშაკებსა და ასაკოვან ადამიანებზე უფრო ადრე” – თქვა მან.
“უნდა ვიყო სწორხაზოვანი … კრახის ფასს გადავიხდით სიცოცხლეებითა და მსოფლიოს უღარიბესი ქვეყნების საარსებო რესურსებით”.
”საბოლოო ჯამში, ეს ქმედებები მხოლოდ გაახანგრძლივებს პანდემიას, შეზღუდვებს და ასევე, ადამიანურ და ეკონომიკურ ტანჯვას”, – თქვა ტედროსმა.
ჯანმოს ხელმძღვანელმა დასძინა, რომ ”ვაქცინის გადანაწილებისას სამართლიანობა არ არის მხოლოდ ზნეობრივი აუცილებლობა, ეს არის სტრატეგიული და ეკონომიკური აუცილებლობა” და მოითხოვა ვაქცინების უფრო სამართლიანი განაწილება მთელ მსოფლიოში.
