საქართველოს ჯანდაცვის მინისტრის, ეკატერინე ტიკარაძის განცხადება, კორონავირუსისი მესამე ტალღა შესაძლოა თებერვლის მეორე ნახევრიდან დაიწყოს საქართველოში. ეკატერნიე ტიკარაძის თქმით, მსოფლიოში უკვე დაიწყო მესამე ტალღა და საქართველო გამონაკლისი ვერ იქნება.
„ეს ყველაფერი არის ვარაუდები. ვინაიდან ევროპაში მესამე ფაზა უკვე დაწყებულია, ჩვენ მეორე ფაზა გვქონდა შედარებით მოგვიანებით, ვიდრე ევროპას. აქედან გამომდინარე სავარაუდო მესამე ტალღა შეიძლება იყოს თებერვლის მეორე ნახევრიდან, – ასე უპასუხა ჯანდაცვის მინისტრმა ჟურნალისტის კითხვას კორონავირუსის მოსალოდნელ მესამე ტალღაზე.
ეკატერინე ტიკარაძის განცხადებით, ისევე მნიშვნელოვანია ინფექციის შეკავება: „მნიშვნელოვანია, ჩვენ გამოვიყენოთ და გავითვალისწინოთ ყველა ის გამოცდილება, რაც არის მსოფლიოში და რაც ჩვენ დავაგროვეთ და მესამე ტალღისთვის არამხოლოდ მზადყოფნის კომპონენტში, არამედ მართვის კომპონენტში, რათა ინფექციის გავრცელება მოხდეს მინიმალურად. აქცენტი ავიღოთ ამაზე და ვიყოთ მეტად უფრო ეფექტურები ინფექციის შეკავების ეპიზოდში“.
თებერვლის მეორე ნახევრიდან მოსალოდნელ მესამე ტალღაზე ისაუბრა დაავადებათა კონტროლის ეროვნული ცენტრის ხელმძღვანელის მოადგილემ. პაატა იმნაძის თქმით, ისინი ცდილობენ ქვეყანამ ისევე აიცილოს კორონავირუსის მესამე ტალღა, როგორც პირველი ტალღის დროს მოახერხეს. „იმედია გამოგვივა“, – განაცხადა პაატა იმნაძემ.
გასულ კვირას საქართველოს მთავრობამ განაცხადა, რომ კორონავირუსთან დაკავშირებული შეზღუდვების გაუქმებას პირევლი თებერვლისთვის განიხილავდნენ.
