„ჩინური ვაქცინის შემოტანა არ განიხილება,“ – განაცხადა საკოორდინაციო საბჭოს სხდომის დამთავრების შემდეგ ჯანდაცვის მინისტრის მოადგილემ, თამარ გაბუნიამ.
მისივე თქმით, ჯანდაცვის სამინისტრო ამ ეტაპზე განიხილავს მხოლო პფაიზერის ვაქცინას, მოდერნას და ასტრაზენეკას.
„რაც შეეხება ინფრასტრუქტურულ მზაობას, დღესაც რომ გვქონდეს პფაიზერის ვაქცინა, სამ ქალაქში – თბილისში, ქუთაისსა და ბათუმში არის ის ტექნოლოგიური შესაძლებლობები, – 80 გრადუსზე ტემპერატურის მქონე მაცივრები, სადაც შესაძლებელია ამ ვაქცინების შენახვა.
მაცივარი, რომელიც კულტურების შესანახად გამოიყენებოდა არის ლუგარის ლაბორატორიის ცენტრალურ ოფისში და მის ფილიალებში, ასევე არის ტუბერკულოზისა და ფილტვის დაავადებათა ეროვნულ ცენტრში, რადგან ეს ლაბორატორიები არის მაღალტექნოლოგიური. პრობლემა ეს არ არის და არც ძვირი არ ღირს ეს მაცივრები იმდენად, რომ ჩვენ ვერ შევძლოთ შესყიდვა მოკლე ვადაში და ამ მიმართულებითაც მოკვლევა დაწყებულია. წინასწარი მონაცემებით დაახლოებით 23 ათასი დოლარი ღირს ერთი მაცივარი. დამატება თუ დაგვჭირდა ამასაც შევიძენთ,” – განაცხადა თამარ გაბუნიამ.
