Batumelebi | რელიგიური კონფესიების წარმომადგენლებს გეგმიურ ტესტირებას ჩაუტარებენ რელიგიური კონფესიების წარმომადგენლებს გეგმიურ ტესტირებას ჩაუტარებენ – Batumelebi
RU | GE  

რელიგიური კონფესიების წარმომადგენლებს გეგმიურ ტესტირებას ჩაუტარებენ

საქართველოს მთავრობამ, 30 დეკემბრის განკარგულებით, კორონავირუსზე სავალდებულო ტესტირებას დაქვემდებარებულ პრიორიტეტულ პირების ჩამონათვალს დაუმატა „სხვადასხვა რელიგიური კონფესიების მსახურები [რელიგიური წარმომადგენლობის მიუხედავად]“.

განკარგულებაში აღნიშნულია ასევე, რომ რელიგიური კონფესიების მსახურები ტესტირებას ექვემდებარებიან გეგმურად, 7 დღეში ერთხელ.

ამავე განკარგულებით, კორონავირუსით გამოწვეულ ინფექციაზე (COVID-19) სავალდებულო ტესტირებას დაქვემდებარებულ პრიორიტეტულ პირთა ნუსხას ასევე დაემატა:

  • „ჯანდაცვის სამინისტროს ცენტრალური აპარატის [უპირატესად, ადმინისტრაცია, პოლიტიკის დეპარტამენტის ჯანმრთელობის დაცვის პოლიტიკის სამმართველო, შიდა აუდიტის დეპარტამენტი] შესაბამისი თანამშრომლები;
  • სსიპ – სამედიცინო და ფარმაცევტული საქმიანობის რეგულირების სააგენტოს (უპირატესად, ადმინისტრაციული დეპარტამენტი და პირები, რომლებიც უშუალოდ ჩართულნი არიან ეპიდემიის გავრცელების საწინააღმდეგო ღონისძიების განხორციელებაში) შესაბამისი თანამშრომლები;
  • სსიპ – სოციალური მომსახურების სააგენტოს ცენტრალური ონლაინკლინიკის თანამშრომლები;
  • საქართველოს შინაგან საქმეთა სამინისტროს მმართველობის სფეროში მოქმედი სსიპ – საზოგადოებრივი უსაფრთხოების მართვის ცენტრ „112“-ისა და მთავრობის ერთიანი ცხელი ხაზის „144“-ის თანამშრომლები;
  • საქართველოს შინაგან საქმეთა სამინისტროს მიგრაციის დეპარტამენტის მიმღებსა და დროებითი განთავსების ცენტრებში მოსათავსებელი უცხოელები – დაუყოვნებლივ; ხოლო მოთავსებული უცხოელები და მომსახურე პერსონალი – 14 დღეში ერთხელ; კორონავირუსით (SARS – CoV-2) გამოწვეული ინფექციის (COVID-19) დადასტურების შემთხვევაში, კონტაქტში მყოფი უცხოელები და სხვა მომსახურე პერსონალი – 72 საათში ერთხელ, სიმპტომების მიუხედავად, მიგრაციის დეპარტამენტის ხელმძღვანელების ოპერაციული შტაბისადმი დასაბუთებული წერილობითი მოთხოვნის საფუძველზე“.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com