Batumelebi | ბათუმის აქციის მონაწილეები 7 დღით დააპატიმრეს ბათუმის აქციის მონაწილეები 7 დღით დააპატიმრეს – Batumelebi
RU | GE  

ბათუმის აქციის მონაწილეები 7 დღით დააპატიმრეს

ბათუმში საპროტესტო აქციაზე 13 დეკემბერს დაკავებულ 6 პირს ბათუმის საქალაქო სასამართლომ 7-7 დღით ადმინისტრაციული პატიმრობა შეუფარდა. გადაწყვეტილება მოსამართლე კობა გოცირიძემ მიიღო.

აქციის მონაწილეები პოლიციელების კანონიერი მოთხოვნის დაუმორჩილებლობის მუხლით დააკავეს.

საპროტესტო აქცია აჭარის მთავრობის სახლის წინ 3 ნოემბრიდან იმართება, გადაკეტილია ქუჩა. აქციის მონაწილეები მიიჩნევენ, რომ არჩევნები გაყალბდა და ხელახალ არჩევნებს ითხოვენ.

აქციაზე სხვა დღეებში დაკავებულ პირებს ამ დრომდე სასამართლო ძირითადად აჯარიმებდა. 7 დღით ადმინისტრაციული პატიმრობა სასამართლომ აქციის კიდევ ერთი მონაწილის მიმართ გამოიყენა.

ამ თემაზე:

ბათუმში საპროტესტო აქციაზე 6 პირი დააკავეს

ნეტგაზეთის მასალების სხვა გამოცემებში გადაბეჭდვის წესი
ავტორი