მთავარი,სიახლეები

მოიხსნება შეზღუდვები 24 დეკემბერს? – ჯანდაცვის მინისტრის მოადგილის განმარტება

14.12.2020 • 2001
მოიხსნება შეზღუდვები 24 დეკემბერს? – ჯანდაცვის მინისტრის მოადგილის განმარტება

საქართველოს ჯანდაცვის მინისტრის მოადგილის, თამარ გაბუნიას განცხადებით, წინასაახალწლოდ, 24 დეკემბერს, მოიხსნება თუ არა მთავრობის მიერ დაწესებული შეზღუდვები, დამოკიდებულია შექმნილ ეპიდსიტუაციაზე.

„ეს ერთი კვირა არის ჩვენთვის განსაკუთრებით, ეპიდემიოლოგიურად მნიშვნელოვანი, დავრწმუნდეთ, რომ რეალურად, სტაბილიზაციის ის ტენდენცია, რომელიც არის, შენარჩუნდება. ამის შემდეგ მიიღება გადაწყვეტილებები სხვა ქმედებებთან დაკავშირებით.

…ციფრები რასაც გვეტყვის, ამის მიხედვით იქნება გადაწყვეტილება მიღებული, დღეს ამაზე ვერ გიპასუხებთ,“ – განაცხადა თამარ გაბუნიამ.

საკოორდინაციო საბჭოს აქამდე დაანონსებული გეგმის თანახმად, შეზღუდვების შემსუბუქება 24 დეკემბრიდან დაიწყება, რომელიც 2 იანვრის ჩათვლით იმოქმედებს. ამ პერიოდში – 24 დეკემბრიდან 2 იანვრის ჩათვლით იმუშავებენ სავაჭრო ცენტრები, ღია და დახურული ბაზრობები და აღდგება როგორც მუნიციპალური, ისე საქალაქთაშორისო ტრანსპორტის მუშაობა.

3  იანვრიდან 15 იანვრის პერიოდში ქვეყნის მასშტაბით ცხადდება უქმე/დასვენების დღეები; აღდგება ყველა ის შეზღუდვა, რომელიც მოქმედებდა 28 ნოემბრიდან 24 დეკემბრამდე პერიოდში; არ იმუშავებს საჯარო და კერძო დაწესებულებები, გარდა ბანკებისა და სტრატეგიული მნიშვნელობის ობიექტებისა და სერვისებისა.

16 იანვრიდან 31 იანვარის ჩათვლით ქვეყნის მასშტაბით: აღდგება მუნიციპალური და საქალაქთაშორისო ტრანსპორტის მუშაობა, სავაჭრო ობიექტებისა და ღია და დახურული ბაზრობების მუშაობა (გარდა შაბათ-კვირისა). შაბათ-კვირას ტრანსპორტი, სავაჭრო ობიექტები და ბაზრობები არ იმუშავებენ.

გადაბეჭდვის წესი


ასევე: