Batumelebi | უფასო სასადილოს 6000-მდე ბენეფიციარს მერია სასურსათო კალათას გადასცემს უფასო სასადილოს 6000-მდე ბენეფიციარს მერია სასურსათო კალათას გადასცემს – Batumelebi
RU | GE  

უფასო სასადილოს 6000-მდე ბენეფიციარს მერია სასურსათო კალათას გადასცემს

პანდემიასთან დაკავშირებული შეზღუდვების გამო ბათუმში მხოლოდ ერთი მუნიციპალური სასადილო იმუშავებს, აქაც ბენეფიციარების მიღება შეზღუდული იქნება.

მერიის ინფორმაციით, 6000-მდე ბენეფიციარისთვის, რომლებიც მუნიციპალურ სასადილოში სადილობდნენ ან საკვები მიჰქონდათ, პროდუქტების გაცემა დაწყებულია, საახალწლოდ კი სპეციალური სასურსათო კალათების გაცემა იგეგმება.

„ბათუმელები“ დაინტერესდა ასეთ შემთხვევაში რა ბედი ელით იმ მოქალაქეებს, რომლებიც ამ ბენეფიციართა ნუსხაში შესაბამისი ქულების მიხედვით ვერ მოხვდნენ, მაგრამ მათ მუნიციპალური სასადილო დარჩენილ საჭმელს მაინც აძლევდა ყოველდღიურად: „ვაძლევდით მათ ულუფას, ვინც არ ცხადდებოდა სასადილოში რიგ შემთხვევებში“.

მერიის ინფორმაციით, დამატებით სიაში 500-მდე ადამიანია. მერიაში ირწმუნებიან, რომ პანდემიის პირობებში დაწესებული შეზღუდვების პერიოდში სასურსათო კალათას მათაც გადასცემენ.

კანონის თანახმად, უფასო სასადილოთი სარგებლობენ ის სოციალურად დაუცველი მოქალაქეები, რომელთა სარეიტინგო ქულა 0-დან 65 000-მდეა.

ნეტგაზეთის მასალების სხვა გამოცემებში გადაბეჭდვის წესი
ავტორი