ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნების მეორე ტურისთვის სახელმწიფოს მიერ გამოყოფილი თანხის განაწილებისა და გამოყენების წესი [ხარჯთაღრიცხვა] დაამტკიცა.
ამ ხარჯთაღრიცხვის მიხედვით მეორე ტურისთვის სახელმწიფო ბიუჯეტიდან დამატებით 8 612 110 ლარი გამოიყოფა.
არჩევნების მეორე ტური 21 ნოემბერს გაიმართება.
მეორე ტურისთვის ემზადება მმართველი პარტია, ოპოზიციური პარტიები კი ამ დრომდე არ ცნობენ 31 ოქტომბრის არჩევნების შედეგებს და არც მეორე ტურში აპირებენ მონაწილეობის მიღებას.
კონკრეტულად რა თანხა დაიხარჯება არჩევნებში ბიუჯეტიდან, ცესკოს საბოლოო ანგარიშში აისახება.
31 ოქტომბრის არჩევნებისთვის კი, სახელმწიფო ბიუჯეტიდან 42 760 700 ლარი იყო გამოყოფილი:
პარლამენტის არჩევნებისთვის 42,7 მილიონი ლარი დაიხარჯება – 2020 წელი
