Batumelebi | სასწრაფოს თანამშრომლის კოვიდით დაღუპვის შემთხვევაში ოჯახს 10 000 ლარს მისცემენ – ბრძანება სასწრაფოს თანამშრომლის კოვიდით დაღუპვის შემთხვევაში ოჯახს 10 000 ლარს მისცემენ – ბრძანება – Batumelebi
RU | GE  

სასწრაფოს თანამშრომლის კოვიდით დაღუპვის შემთხვევაში ოჯახს 10 000 ლარს მისცემენ – ბრძანება

საგანგებო სიტუაციების კოორდინაციისა და გადაუდებელი დახმარების ცენტრის დირექტორი უფლებამოსილია, ახალი კორონავირუსით (SARS-CoV-2) გამოწვეული ინფექციით (COVID-19) ცენტრის თანამშრომლის დაღუპვის შემთხვევაში, ჯანდაცვის სამინისტროსთან შეთანხმებით, მის ოჯახზე (მემკვიდრეზე) გასცეს ერთჯერადი ფულადი დახმარება არაუმეტეს 10 000 ლარის ოდენობით.

შესაბამისი ბრძანება საქართველოს ჯანდაცვის მინისტრმა ეკატერინე ტიკარაძემ 2020 წლის 6 ნოემბერს გამოსცა. ბრძანება დღეს, 9 ნოემბერს, ამოქმედდა და ის 1-ლი ოქტომბრიდან წარმოშობილ ურთიერთობებზე გავრცელდება.

მინისტრის ბრძანებით ცვლილება შევიდა საგანგებო სიტუაციების კოორდინაციისა და გადაუდებელი დახმარების ცენტრის დებულებაში.

ამ დრომდე, აღნიშნული დებულების მიხედვით, საგანგებო სიტუაციების კოორდინაციისა და გადაუდებელი დახმარების ცენტრის დირექტორი უფლებამოსილი იყო, სამსახურებრივი მოვალეობის შესრულებისას ცენტრის თანამშრომლის დაღუპვის შემთხვევაში, სამინისტროსთან შეთანხმებით, მის ოჯახზე (მემკვიდრე) გაეცა ერთჯერადი ფულადი დახმარება, არაუმეტეს 5 000 ლარის ოდენობით.

ეს უფლებამოსილება ცენტრის დირექტორს კვლავ უნარჩუნდება.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com