Batumelebi | ბათუმში 96 წლის ქალმა კოვიდი დაამარცხა და არჩევნებშიც მიიღო მონაწილეობა ბათუმში 96 წლის ქალმა კოვიდი დაამარცხა და არჩევნებშიც მიიღო მონაწილეობა – Batumelebi
RU | GE  

ბათუმში 96 წლის ქალმა კოვიდი დაამარცხა და არჩევნებშიც მიიღო მონაწილეობა

მუნთიე გობაძე 96 წლის ქალია, რომელმაც 2 კვირა გაატარა ბათუმის საერთაშორისო ჰოსპიტალში [ბაუ] და კორონავირუსი დაძლია.

მუნთიე გობაძე ჰოსპიტლიდან გუშინ, პირველ ნოემბერს გაწერეს. კლინიკაში მიყვანისას მას გართულებული პნევმონია ჰქონდა სუნთქვის მწვავე უკმარისობით.

„13 ოქტომბერს შემოვიდა ჩვენთან მუნთიე გობაძე და გუშინ გაეწერა, თერაპიის განყოფილებაში მკურნალობდა, რეანიმაციაში გადაყვანა არ დასჭირვებია. სანამ გაეწერებოდა, გადასატანი ყუთიც მოუტანეს და ხმაც მისცა. გახარებული იყო, რომ არჩევანის დაფიქსირების საშუალება მიეცა. ბევრმა ხანდაზმულმა დაძლია კოვიდი. რეანიმაციაშიც გვყვავს ხანდაზმულები, რომლებმაც დაძლიეს ვირუსი და რამდენიმე დღეში გაეწერებიან.

მუნთიე გობაძეს თანმდევი დაავადებაც აქვს: გულის ქრონიკული უკმარისობა და სტენოზი, მაგრამ კორონავირუსი დაძლია,“ – ამბობს 96 წლის ქალის მკურნალი ექიმი ნაირა ხახუტაიშვილი.

მუნთიე გობაძე ახლა შინაა და ექიმის თქმით, მისი ჯანმრთელობის მდგომარეობა დამაკმაყოფილებელია.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com