Batumelebi | ვარშალომიძე 37%, კონცელიძე 40% – ბათუმში არჩევნების მეორე ტური იქნება ვარშალომიძე 37%, კონცელიძე 40% – ბათუმში არჩევნების მეორე ტური იქნება – Batumelebi
RU | GE  

ვარშალომიძე 37%, კონცელიძე 40% – ბათუმში არჩევნების მეორე ტური იქნება

ცესკოს მონაცემებით, ბათუმის #28 მაჟორიტარულ ოლქში დათვლილია ყველა უბანი. წინასწარი მონაცემებით, მთავარ კონკურენტებს შორის ხმები ასე გადანაწილდა:

  • რესან კონცელიძე, „ქართული ოცნება“ – 40,97%
  • ლევან ვარშალომიძე, „ნაციონალური მოძრაობა“ – 37,3% 

მაჟორიტარ კანდიდატს გამარჯვებისთვის სჭირდება მიცემულ ხმათა ნახევარზე მეტი – 50 პროცენტს პლუს თუნდაც ერთი ხმა. ამ შემთხვევაში არც ერთ კანდიდატს არ აქვს მიღებული ამომრჩეველთა ხმების ნახევარზე მეტი, რაც იმას ნიშნავს, რომ ბათუმში არჩევნების მეორე ტური გაიმართება, სადაც ამომრჩეველს მხოლოდ ამ ორ კანდიდატს შორის მოუწევს არჩევანის გაკეთება.

დღეს, პირველ ნოემბერს, ლევან ვარშალომიძემ, გაერთიანებული ოპოზიციის მაჟორიტარი დეპუტატობის კანდიდატმა ბათუმში, განაცხადა, რომ ხელისუფლებამ ხალხის არჩევნები მიიტაცა.

„გუშინ ივანიშვილი გასცდა საკონსტიტუციო ჩარჩოს. ფაქტობრივად მიიტაცა არჩევნები და ხალხის ნება. ჩვენ ვიმსჯელეთ და მყარი გადაწყვეტილება მივიღეთ –  ყველა  ოპოზიციური პარტია დადგება იქ, სადაც იქნება ქართველი ხალხი.  ჩვენ ვიქნებით მათთან ერთად და ჩვენ გავიმარჯვებთ მათთან ერთად,“ – თქვა ლევან ვარშალომიძემ.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com