Batumelebi | აჭარაში ტრანსპორტის მოძრაობა აღდგება, რესტორნები კი ისევ 22 საათამდე იმუშავებენ – 19 ოქტომბრიდან აჭარაში ტრანსპორტის მოძრაობა აღდგება, რესტორნები კი ისევ 22 საათამდე იმუშავებენ – 19 ოქტომბრიდან – Batumelebi
RU | GE  

აჭარაში ტრანსპორტის მოძრაობა აღდგება, რესტორნები კი ისევ 22 საათამდე იმუშავებენ – 19 ოქტომბრიდან

აჭარაში 19 ოქტომბრიდან აღდგება მუნიციპალური, ასევე საქალაქთაშორისო ტრანსპორტის მოძრაობა როგორც რეგიონის შიგნით, ასევე აჭარის მიმართულებით. თუმცა რესტორნებისთვის დაწესებული შეზღუდვები ძალაში დარჩება.

შესაბამისი ცვლილება, მთავრობის დადგენილებით, იზოლაციისა და კარანტინის წესებში შევიდა. ამ წესების მიხედვით, 19 ოქტომბრიდან აჭარის ტერიტორიაზე რესტორნები/ბარები/კაფეები მუშაობას კვლავ 07:00 საათიდან დაიწყებენ და 22:00 საათამდე გააგრძელებენ.

მთავრობის დადგენილებით, 16 ოქტომბრის საღამოს 10 საათიდან ამოქმედდება შეზღუდვა, რომლის მიხედვითაც „თბილისის მუნიციპალიტეტისა და იმერეთის რეგიონში შემავალი მუნიციპალიტეტების ტერიტორიებზე რესტორნები/ბარები/კაფეები ფუნქციონირებენ 07:00 საათიდან 22:00 საათამდე.“.

მთავრობის დადგენილების გამოქვეყნებამდე, გარკვეული შეზღუდვების მოხსნასა და ახლის შემოღებაზე, პრემიერ-მინისტრმა 15 ოქტომბერს განაცხადა:

19 ოქტომბრიდან აჭარაში საზოგადოებრივი ტრანსპორტის მოძრაობა აღდგება – გახარია

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com