Batumelebi | ამნისტიის მოთხოვნით ელექტრონული პეტიციისთვის ხელმოწერების შეგროვება დაიწყეს ამნისტიის მოთხოვნით ელექტრონული პეტიციისთვის ხელმოწერების შეგროვება დაიწყეს – Batumelebi
RU | GE  

ამნისტიის მოთხოვნით ელექტრონული პეტიციისთვის ხელმოწერების შეგროვება დაიწყეს

საყოველთაო ამნისტიის მოთხოვნით manifest.ge-ზე ხელმოწერების შეგროვება დაიწყეს. ამ მოთხოვნით აქამდე არაერთი აქცია გაიმართა, მათ შორის, ბათუმში. ისინი მიიჩნევენ, რომ ამნისტია, პირველ რიგში, ნარკოდანაშაულისთვის მსჯავრდებულ პირებს უნდა შეეხოს.

ხელმოწერებს ამნისტიის მოთხოვნით აგროვებს საზოგადოებრივი მოძრაობა „ვითხოვთ ჰუმანურ აქტს ამნისტიას“. ხელმოწერა ელექტორნულადაა შესაძლებელი.

„ყოველწლიურად ჩვენ საპატიმროებში ვამყოფებთ 3000 ავადმყოფ ადამიანს. ყოველწლიურად 6000 ადამიანი იხდის პირობით სასჯელს ავადმყოფობისთვის.

დღეს ავადმყოფოებისაგან ვქმნით დამნაშავეებს, ადამიანებს ვსჯით დასჯით მიზნით. ფაქტობრივად ვამყოფებთ ტრეფიკინგში და ისეთი კანონდმებლობით, რომლის შესაბამისად სასამართლოს ავადმყოფისათვის შეუძლია მიუსაჯოს სამუდამო პატიმრობა,“ – წერია მოძრაობის „ვითხოვთ ჰუმანურ აქტს ამნისტიას“ მიერ გავრცელებულ განცხადებაში.

ნეტგაზეთის მასალების სხვა გამოცემებში გადაბეჭდვის წესი
ავტორი