Batumelebi | ბათუმში აქციის მონაწილეები თორნიკე რიჟვაძესთან შეხვედრას ითხოვენ ბათუმში აქციის მონაწილეები თორნიკე რიჟვაძესთან შეხვედრას ითხოვენ – Batumelebi
RU | GE  

ბათუმში აქციის მონაწილეები თორნიკე რიჟვაძესთან შეხვედრას ითხოვენ

დღეს, 6 ოქტომბერს, ბათუმში, მთავრობის სახლთან მიმდინარე აქციის მონაწილეები აჭარის მთავრობის თავმჯდომარესთან, თორნიკე რიჟვაძესთან შეხვედრას ითხოვენ. მთავრობის სახლის წინ შეკრებილნი არიან სხვადასხვა პროფესიის ადამიანები, რომლებიც ითხოვენ საბანკო სესხების გადავადებას გაყინული პროცენტით, ტრანსპორტის მოძრაობის აღდგენას და უმუშევრობის კომპენსაციის შენარჩუნებას.

აჭარის მთავრობის წარმომადგენლებმა აქციის მონაწილეებს შესთავაზეს, შეიკრიბოს აქციის რამდენიმე აქტივისტი მთავრობასთან შესახვედრად, თუმცა აქციის მონაწილეები ამაზე უარს აცხადებენ. ისინი საჯაროდ ითხოვენ პასუხს, რადგან, მათივე თქმით, კერძო, დახურულ კარს მიღმა გამართული შეხვედრები უშედეგოდ მთავრდება.

აქციის ერთ-ერთმა მონაწილემ ისიც  განაცხადა, რომ მთავრობიდან უყურადღებობის შემთხვევაში აჭარის მთავრობის სახლთან გაშლიან კარვებს.

აქციაზე მობილიზებულია საპატრულო პოლიცია. აქვე იმყოფება აჭარის პოლიციის უფროსი კოტე ანანიაშვილიც.

ამავე თემაზე: 

დაგვახრჩო ვალებმა, გაგვეცით პასუხი – საპროტესტო აქცია აჭარის მთავრობასთან [LIVE]

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com