Batumelebi | საქართველოში შემოტანილი ერთ ტონამდე გაყინული ღორის ხორცი საბაჟოზე გაანადგურეს საქართველოში შემოტანილი ერთ ტონამდე გაყინული ღორის ხორცი საბაჟოზე გაანადგურეს – Batumelebi
RU | GE  

საქართველოში შემოტანილი ერთ ტონამდე გაყინული ღორის ხორცი საბაჟოზე გაანადგურეს

შემოსავლების სამსახურის ინფორმაციით, საბაჟო გამშვებ პუნქტში „ფოთისა და ყულევის პორტები და ფოთის თავისუფალი ინდუსტრიული ზონა“, ბრაზილიის ფედერაციული რესპუბლიკიდან 936 კილოგრამი გაყინული ღორის ხორცი შემოვიდა, რომელიც არ შეესაბამებოდა ვეტერინარულ სერტიფიკატში ასახულ მონაცემებს, სამსახურის თანამშრომლებმა ხორცი საზოგადოებრივი ჯანმრთელობისთვის საფრთხისშემცველად მიიჩნიეს და შესაბამისი წესით გაანადგურეს.

„ფინანსთა სამინისტროს შემოსავლების სამსახურის საბაჟო დეპარტამენტის სანიტარიული, ფიტოსანიტარიული და ვეტერინარული კონტროლის სამმართველოს თანამშრომლების მიერ, ვეტერინარული სასაზღვრო-საკარანტინო კონტროლის პროცედურების ჩატარების შედეგად, დადგინდა, რომ ვეტერინარულ სერტიფიკატში ასახული მონაცემების შეუსაბამობის გამო, გაყინული ღორის ხორცი არ აკმაყოფილებს საქართველოს იმპორტის სასაქონლო ოპერაციის მოთხოვნებს და საფრთხეს წარმოადგენს საზოგადოებრივი ჯანმრთელობისთვის.

შესაბამისი კანონის მოთხოვნების თანახმად, საქონელი დაექვემდებარა განადგურებას. ასეთ დროს საქონლის განადგურება ხდება სპეციალურად გამოყოფილ ადგილზე დამარხვით ან დაწვის მეთოდით“, – აცხადებს შემოსავლების სამსახური.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან